ഇന്ത്യൻ ഓയിൽ കോർപറേഷനിൽ എന്‍ജിനിയറിങ് ബിരുദധാരികൾക്ക് അവസരം. എന്‍ജിനീയേഴ്സ് / ഓഫീസർ ( ഗ്രേഡ്– എ) തസ്തികയിലാണ് നിയമനം. ഒഴിവുകൾ എത്രയെണ്ണമെന്ന് റിപ്പോർട്ട് ചെയ്തിട്ടില്ല. കെമിക്കൽ എന്‍ജിനീയറിംഗ്,ഇലക്ട്രിക്കൽ എന്‍ജിനീയറിംഗ്, ഇൻസ്ട്രുമെന്റേഷൻ എന്‍ജിനീയറിംഗ് എന്നി വിഭാഗത്തിലാണ് ഒഴിവുകൾ ഉള്ളത്.

ഉദ്യോഗാർത്ഥികൾ അംഗീകൃത സർവകലാശാലയിൽ നിന്ന് മുഴുവൻ സമയ ബി.ടെക്./ബി.ഇ അല്ലെങ്കിൽ തത്തുല്യ ബിരുദം നേടിയിരിക്കണം. ജനറൽ/ഇ ഡബ്ല്യു എസ്/ഒ ബി സി-എൻ സി എൽ വിഭാഗത്തിൽ ഉൾപ്പെട്ടവർക്ക് 65% മാർക്കും എസ്‌സി/എസ്ടി/പി ഡബ്ല്യു ബി ഡി ഉദ്യോഗാർത്ഥികൾക്ക് കുറഞ്ഞത് 55% മാർക്കും നേടിയിരിക്കണം.

കെമിക്കൽ,ഇലക്ട്രിക്കൽ,ഇൻസ്ട്രുമെന്റേഷൻ എന്നിവയിൽ എന്‍ജിനീയറിംഗ് ബിരുദം നേടിയവർക്കാണ് അപേക്ഷിക്കാൻ യോഗ്യത. പ്രായപരിധി ജനറൽ, ഇ ഡബ്ല്യു എസ് വിഭാഗക്കാർക്ക് പരമാവധി 26 വയസ്സാണ്. സംവരണ വിഭാഗങ്ങൾക്ക് സർക്കാർ നിയമങ്ങൾ അനുസരിച്ച് വയസ്സിളവ് അനുവദിക്കും.

ഓൺലൈൻ പരീക്ഷ, ഗ്രൂപ്പ് ഡിസ്കഷൻ & ഗ്രൂപ്പ് ടാസ്ക്, ഇൻറർവ്യൂ എന്നിങ്ങനെ ആയിരിക്കും തിരഞ്ഞെടുപ്പ് പ്രക്രിയ. അപേക്ഷകൾ അയക്കേണ്ട അവസാന തീയതി സെപ്റ്റംബർ 21 ന് ആണ്. ജനറൽ / ഇഡബ്ല്യുഎസ് / ഒബിസി വിഭാഗക്കാർക്ക് 500 രൂപയാണ് അപേക്ഷ ഫീസ്. മറ്റുള്ള വിഭാഗക്കാർക്ക് സൗജന്യമായി അപേക്ഷിക്കാം. കൂടുതൽ വിവരങ്ങൾക്ക് www.iocl.com സന്ദർശിക്കുക