കേന്ദ്ര ആയുഷ് മന്ത്രാലയത്തിന് കീഴിൽ പ്രവർത്തിക്കുന്ന സെൻട്രൽ കൗൺസിൽ ഫോർ റിസർച്ച് ഇൻ ആയുർവേദിക് സയൻസസ് (CCRAS) ജൂനിയർ റിസർച്ച് ഫെലോ (JRF) തസ്തികയിൽ നിയമനം നടത്തുന്നു. ആയുർവേദം, യോഗ ആൻഡ് നാച്ചുറോപ്പതി മേഖലകളിൽ ഗവേഷണം നടത്തി പി.എച്ച്.ഡി നേടാൻ ആഗ്രഹിക്കുന്നവർക്ക് ഫെലോഷിപ്പിന് അപേക്ഷിക്കാം. ആകെ 20 ഒഴിവുകളാണുള്ളത്. യോഗ്യരായ ഉദ്യോഗാർഥികൾക്ക് ഓൺലൈനായി അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി 2026 ഡിസംബർ 8 ആണ്.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ. ഇവിടെ ക്ലിക്ക് ചെയ്യുക https://chat.whatsapp.com/GQ0abkJF05lAfNnGmbVxsA

ഒഴിവുകളുടെ വിശദാംശങ്ങൾ

ആകെ 20 ഫെലോഷിപ്പ് ഒഴിവുകളാണുള്ളത്. ഇതിൽ 16 ഒഴിവുകൾ ആയുർവേദ ഗവേഷണത്തിനും നാല് ഒഴിവുകൾ യോഗ ആൻഡ് നാച്ചുറോപ്പതി ഗവേഷണത്തിനുമാണ്.

ഫെലോഷിപ്പ് തുക

ജൂനിയർ റിസർച്ച് ഫെലോയ്ക്ക് പ്രതിമാസം 37,000 രൂപയും സീനിയർ റിസർച്ച് ഫെലോയ്ക്ക് 42,000 രൂപയും ലഭിക്കും. ഇതിനു പുറമേ നിയമാനുസൃതമായ ഹൗസ് റെന്റ് അലവൻസും ലഭിക്കും. സ്ഥാപനത്തിന് പ്രതിവർഷം 20,000 രൂപ കണ്ടിൻജൻസി ഗ്രാന്റും അനുവദിക്കും. പരമാവധി അഞ്ച് വർഷമാണ് ഫെലോഷിപ്പ് കാലാവധി.

യോഗ്യത

ബയോമെഡിക്കൽ സയൻസിൽ ബിരുദാനന്തര ബിരുദമുള്ളവർക്കാണ് അപേക്ഷിക്കാൻ അവസരം. ലൈഫ് സയൻസ്, കെമിക്കൽ സയൻസ്, ഫിസിക്കൽ സയൻസ്, സോഷ്യൽ സയൻസ്, ബയോസ്റ്റാറ്റിസ്റ്റിക്സ് തുടങ്ങിയ വിഷയങ്ങളിൽ യോഗ്യതയുള്ളവർക്ക് അപേക്ഷിക്കാം.

കൂടാതെ, വിജ്ഞാപനത്തിൽ നിർദേശിച്ചിട്ടുള്ള സാധുവായ നാഷണൽ എലിജിബിലിറ്റി ടെസ്റ്റ് (NET) യോഗ്യതയും ഉണ്ടായിരിക്കണം.

CSIR-UGC NET JRF/LS, DBT-JRF/BET, ICAR AICE-SRF (PGS), ICMR JRF തുടങ്ങിയ യോഗ്യതകൾ വിജ്ഞാപനത്തിലെ വ്യവസ്ഥകൾക്ക് വിധേയമായി പരിഗണിക്കും.

ആയുഷ് ഇതര വിഭാഗത്തിൽപ്പെട്ട (Non-Ayush Non-Medical) ഉദ്യോഗാർഥികൾക്കാണ് ഈ ഫെലോഷിപ്പ്.

തിരഞ്ഞെടുപ്പ് രീതി

അപേക്ഷകളിൽനിന്ന് യോഗ്യരായ ഉദ്യോഗാർഥികളെ ഷോർട്ട്‌ലിസ്റ്റ് ചെയ്ത് ബന്ധപ്പെട്ട ഗവേഷണ കൗൺസിലുകൾ അഭിമുഖത്തിന് ക്ഷണിക്കും.

അപേക്ഷിക്കേണ്ട വിധം

താൽപര്യമുള്ള ഉദ്യോഗാർഥികൾ CCRAS-ന്റെ ഔദ്യോഗിക പി.എച്ച്.ഡി പോർട്ടലായ https://phd.ccras.org.in/ വഴി ഓൺലൈനായി അപേക്ഷിക്കണം. അപേക്ഷാ ഫോമിനൊപ്പം ഗവേഷണ പ്രൊപ്പോസലും ആവശ്യമായ രേഖകളും സമർപ്പിക്കണം.

വിശദമായ വിജ്ഞാപനത്തിനും യോഗ്യതാ വ്യവസ്ഥകൾക്കും അപേക്ഷിക്കുന്നതിന് മുമ്പ് ഔദ്യോഗിക വെബ്സൈറ്റിലെ അറിയിപ്പ് പരിശോധിക്കുക.

ഔദ്യോഗിക വെബ്സൈറ്റ്: https://www.ccras.nic.in