ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ ഓപ്പോയുടെ പുതിയ സീരീസ് ഫൈവ് ജി ഫോണുകള് സെപ്റ്റംബര് 15ന് ഇന്ത്യന് വിപണിയില് അവതരിപ്പിക്കും. പുതുതായി പുറത്തിറക്കുന്ന എഫ്31 സീരീസില് മൂന്ന് ഫോണുകള് അവതരിപ്പിക്കുമെന്നാണ് പ്രതീക്ഷിക്കുന്നത്. എഫ്31, എഫ്31 പ്രോ, എഫ്31 പ്രോ+ എന്നിവയാണ് പ്രതീക്ഷിക്കുന്ന മോഡലുകള്.
എഫ്31ല് 6.57 ഇഞ്ച് 120Hz AMOLED ഡിസ്പ്ലേ വരുമെന്നാണ് കരുതുന്നത്. എട്ട് ജിബി റാമും 128 ജിബി സ്റ്റോറേജുമായി വരുന്ന ഫോണിന് കരുത്തു പകരുക മീഡിയടെക് ഡൈമെന്സിറ്റി 6300 പ്രോസസര് ആയിരിക്കും. കാമറ വിഭാഗത്തില് 50എംപി പ്രൈമറി സെന്സറും 2 എംപി ഡെപ്ത് സെന്സറും ലഭിക്കും. 16എംപി സെല്ഫി ഷൂട്ടറുമായി ഫോണ് വിപണിയില് എത്താനാണ് സാധ്യത.
7,000എംഎഎച്ച് ബാറ്ററിയും 80W വയര്ഡ് ഫാസ്റ്റ് ചാര്ജിങ്ങും ഫോണില് ഉണ്ടാകുമെന്ന് സൂചനയുണ്ട്. ഓപ്പോ എഫ്31 പ്രോയും അതേ ഡിസ്പ്ലേയുമായി വരുമെന്ന് പറയപ്പെടുന്നു. മീഡിയടെക് ഡൈമെന്സിറ്റി 7300 എനര്ജി ചിപ്പ് ആയിരിക്കാം ഇതിന് കരുത്തുപകരുക. ബേസ് വേരിയന്റില് ലഭിക്കുന്ന 16എംപി ഷൂട്ടറിന് പകരമായി കരുത്തുറ്റ 32 എംപി ലെന്സിനുള്ള സാധ്യതയാണ് പ്രോയില് കാണുന്നത്.
എഫ്31 പ്രോ പ്ലസില് വലിയ 6.79 ഇഞ്ച് 120Hz AMOLED ഡിസ്പ്ലേയാണ് പ്രതീക്ഷിക്കുന്നത്. സ്നാപ്ഡ്രാഗണ് 7 Gen 3 പ്രോസസര് ആയിരിക്കും ഇതിന് കരുത്തുപകരുക. 256ജിബി വരെ സ്റ്റോറേജിനെ ഇത് പിന്തുണയ്ക്കുമെന്നും കരുതുന്നു. ഫോണുകള് 30 മിനിറ്റ് വരെ വെള്ളത്തില് കിടന്നാലും ഒന്നും സംഭവിക്കാത്ത തരത്തിലുള്ള സാങ്കേതികവിദ്യയാണ് ഉപയോഗിച്ചിരിക്കുന്നത് എന്ന് കമ്പനി അവകാശപ്പെടുന്നു. '360-ഡിഗ്രി ആര്മര് ബോഡി''യും 'അള്ട്രാ-സ്ലിം ഡിസൈനും' ആണ് സീരീസിന്റെ മറ്റൊരു പ്രത്യേകത. 20000 രൂപ മുതല് 35000 രൂപ വരെയായിരിക്കാം വില വരിക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates