മഴ തുടങ്ങിയാൽ പിന്നെ പുറത്ത് നടക്കാനോ പാർക്കിൽ പോയി വ്യായാമം ചെയ്യാനോ പലർക്കും സാധിക്കാറില്ല. അതുകൊണ്ട് തന്നെ മഴക്കാലത്ത് പലരും ദിവസങ്ങളോളം ശാരീരിക പ്രവർത്തനങ്ങൾ ഒഴിവാക്കുന്നു. എന്നാൽ ഫിറ്റ്നസ് നിലനിർത്താൻ വീട്ടിൽ തന്നെ ചെയ്യാവുന്ന ചില ഇൻഡോർ വ്യായാമങ്ങൾ നോക്കിയാലോ... പ്രത്യേകിച്ച് ഉപകരണങ്ങളൊന്നുമില്ലാതെ കുടുംബത്തോടൊപ്പം ചെയ്യാൻ കഴിയുന്ന ഈ വ്യായാമങ്ങൾ ശരീരത്തിനും മനസ്സിനും ഒരുപോലെ ഉന്മേഷം നൽകും.

മഴക്കാലത്ത് വീട്ടിൽ ചെയ്യാവുന്ന രസകരമായ ഇൻഡോർ വ്യായാമങ്ങൾ

ജമ്പിങ് ജാക്സ് (Jumping Jacks)

ശരീരം മുഴുവൻ ചലിപ്പിക്കുന്ന മികച്ച വാംഅപ്പ് വ്യായാമമാണ് ജമ്പിങ് ജാക്സ്. ഹൃദയമിടിപ്പ് ഉയർത്താനും രക്തയോട്ടം മെച്ചപ്പെടുത്താനും ഇത് സഹായിക്കും. 30–60 സെക്കൻഡ് വീതം മൂന്ന് സെറ്റ് ചെയ്യാം.

ഗുണങ്ങൾ

• കലോറി കത്തിക്കുന്നു

• ഹൃദയാരോഗ്യം മെച്ചപ്പെടുത്തുന്നു

• ശരീരത്തിന് ഊർജം നൽകുന്നു

ഡാൻസ് വർക്ക്‌ഔട്ട് (Dance Workout)

ഇഷ്ടപ്പെട്ട പാട്ട് പ്ലേ ചെയ്ത് 20 മുതൽ 30 മിനിറ്റ് വരെ നൃത്തം ചെയ്യാം. ഇത് ഒരു മികച്ച കാർഡിയോ വ്യായാമമാണ്. കുടുംബാംഗങ്ങളെയും കുട്ടികളെയും കൂട്ടി ചെയ്യുമ്പോൾ കൂടുതൽ രസകരമാകും.

ഗുണങ്ങൾ

• സമ്മർദ്ദം കുറയുന്നു

• കലോറി ചെലവാകുന്നു

• മാനസിക ഉന്മേഷം വർധിക്കുന്നു

സ്കിപ്പിങ് ( Skipping)

വീട്ടിൽ ആവശ്യത്തിന് സ്ഥലം ഉണ്ടെങ്കിൽ കയർ ചാടി വ്യായാമം ചെയ്യാം. വെറും 10 മിനിറ്റ് സ്കിപ്പിംഗ് പോലും നല്ലൊരു കാർഡിയോ വർക്ക്‌ഔട്ടാണ്.

ഗുണങ്ങൾ

• ഹൃദയാരോഗ്യം മെച്ചപ്പെടുത്തുന്നു

• കാലുകളുടെ ശക്തി വർധിപ്പിക്കുന്നു

• ശരീരഭാരം നിയന്ത്രിക്കാൻ സഹായിക്കുന്നു

പടികൾ കയറുക (Climbing Stairs)

വീട്ടിൽ സ്റ്റെയർകേസ് ഉണ്ടെങ്കിൽ 10–15 മിനിറ്റ് പടികൾ കയറുകയും ഇറങ്ങുകയും ചെയ്യാം.

ഗുണങ്ങൾ

• കാലുകളുടെ പേശികൾ ശക്തമാക്കുന്നു

• കലോറി വേഗത്തിൽ ചെലവഴിക്കുന്നു

• ഹൃദയത്തിന്റെ പ്രവർത്തനം മെച്ചപ്പെടുത്തുന്നു

യോഗ (Yoga)

മഴക്കാലത്ത് മനസ്സിനും ശരീരത്തിനും ആശ്വാസം നൽകുന്ന മികച്ച മാർഗമാണ് യോഗ. താഡാസനം, ഭുജംഗാസനം, ബാലാസനം തുടങ്ങിയ ലളിതമായ ആസനങ്ങൾ ചെയ്യാം.

ഗുണങ്ങൾ

• ശരീരത്തിന് വഴക്കം വർധിപ്പിക്കുന്നു

• സമ്മർദ്ദം കുറയ്ക്കുന്നു

• ശ്വസനശേഷി മെച്ചപ്പെടുത്തുന്നു

സ്ക്വാറ്റ്സ് (squats)

കസേരയില്ലാതെ ഇരിക്കുന്നതുപോലുള്ള വ്യായാമമാണ് സ്ക്വാറ്റ്. ദിവസം 15–20 വീതം മൂന്ന് സെറ്റ് ചെയ്യാം.

ഗുണങ്ങൾ

• തുടയുടെയും കാലുകളുടെയും പേശികൾ ശക്തമാക്കുന്നു

• ശരീരസന്തുലിതാവസ്ഥ മെച്ചപ്പെടുത്തുന്നു

• മെറ്റബോളിസം വർധിപ്പിക്കുന്നു

ലംഗ്സ് (lunges)

ഒരു കാൽ മുന്നോട്ടുവെച്ച് ശരീരം താഴ്ത്തുന്ന ലംഗ്സ് കാലുകളുടെ ശക്തി വർധിപ്പിക്കാൻ മികച്ചതാണ്.

ഗുണങ്ങൾ

• മസിൽ ശക്തി കൂട്ടുന്നു

• ശരീരത്തിന്റെ ബാലൻസ് മെച്ചപ്പെടുത്തുന്നു

• സന്ധികളുടെ ചലനശേഷി വർധിപ്പിക്കുന്നു

ഹുലാ ഹൂപ്പ് അല്ലെങ്കിൽ ഫിറ്റ്‌നസ് ഗെയിമുകൾ

ഹുലാ ഹൂപ്പ്, ആക്റ്റീവ് വീഡിയോ ഗെയിമുകൾ, അല്ലെങ്കിൽ മ്യൂസിക്കിനൊപ്പമുള്ള മൂവ്‌മെന്റ് ഗെയിമുകൾ എന്നിവ കുട്ടികൾക്കും മുതിർന്നവർക്കും ഒരുപോലെ ആസ്വദിക്കാം.

ഗുണങ്ങൾ

• വ്യായാമം ബോറടിക്കാതെ ചെയ്യാം

• കുടുംബാംഗങ്ങൾക്കൊപ്പം സമയം ചെലവഴിക്കാം

• ശരീര ചലനം വർധിപ്പിക്കുന്നു

സ്ട്രെച്ചിങ്

വ്യായാമത്തിന് മുമ്പും ശേഷവും 5–10 മിനിറ്റ് സ്ട്രെച്ചിംഗ് ചെയ്യാൻ മറക്കരുത്.

ഗുണങ്ങൾ

• പേശിവേദന കുറയ്ക്കുന്നു

• പരിക്കുകളുടെ സാധ്യത കുറയുന്നു

• ശരീരത്തിന് വഴക്കം ലഭിക്കുന്നു

മഴക്കാല ഇൻഡോർ വ്യായാമം ചെയ്യുമ്പോൾ ശ്രദ്ധിക്കേണ്ട കാര്യങ്ങൾ

• നിലം വഴുക്കാതിരിക്കാൻ ശ്രദ്ധിക്കുക.

• മതിയായ വെള്ളം കുടിക്കുക.

• വായുസഞ്ചാരമുള്ള മുറി തിരഞ്ഞെടുക്കുക.

• ഭക്ഷണം കഴിച്ച ഉടൻ കഠിന വ്യായാമം ചെയ്യരുത്.

• ശരീരത്തിന് അസ്വസ്ഥത അനുഭവപ്പെട്ടാൽ വ്യായാമം നിർത്തി വിശ്രമിക്കുക.

• പുതിയ വ്യായാമങ്ങൾ ആരംഭിക്കുന്നതിന് മുമ്പ് ലളിതമായ വാംഅപ്പ് ചെയ്യുക.