2026ല്‍ വ്യോമയാന മേഖലയില്‍ ഏറ്റവും കൂടുതല്‍ ശമ്പളം നല്‍കിയ കമ്പനി ഏതാണ്? കണക്കുകള്‍ പറയുന്നത് ഖത്തര്‍ എയര്‍വേയ്‌സിലെ പൈലറ്റുമാര്‍ക്ക് മറ്റ് എയര്‍ലൈന്‍ കമ്പനികളെ അപേക്ഷിച്ച് ഉയര്‍ന്ന ശമ്പളം ലഭിക്കുന്നുവെന്നാണ്.

പരിചയസമ്പന്നരായ ക്യാപ്റ്റന്‍മാര്‍ക്ക് ഖത്തര്‍ എയര്‍വേയ്‌സില്‍ പ്രതിവര്‍ഷം 1.6 ദശലക്ഷം ഖത്തര്‍ റിയാല്‍ (ഏകദേശം 4.14 കോടി രൂപ) വരെ ശമ്പളം ലഭിക്കും. ഫസ്റ്റ് ഓഫീസര്‍മാര്‍ക്ക് അവരുടെ പരിചയം, നിയന്ത്രിക്കുന്ന വിമാനം, ഫ്‌ളൈയിങ് ടൈം എന്നിവയെ അടിസ്ഥാനമാക്കി പ്രതിവര്‍ഷം 660,000 ഖത്തര്‍ റിയാല്‍ (ഏകദേശം 1.71 കോടി രൂപ) വരെ വരുമാനം ലഭിക്കും.

പൈലറ്റുമാര്‍ക്ക് ഹൗസിങ് സപ്പോര്‍ട്ട് , യാത്രാ ആനുകൂല്യങ്ങള്‍, മെഡിക്കല്‍, ഇന്‍ഷുറന്‍സ് പരിരക്ഷ, ട്രാന്‍സ്‌പോര്‍ട്ട് അസിസ്റ്റന്റ്, അന്താരാഷ്ട്ര യാത്രകളില്‍ ദക്ഷ്യ ദൈനംദിന ചെലവുകള്‍ക്കുള്ള അലവന്‍സുകള്‍, കുടുംബാംഗങ്ങള്‍ക്ക് യാത്ര ഇളവുകള്‍, ടാകസ് ഫ്രീ ശമ്പളം എന്നിവയും ലഭിക്കും.

ദോഹ ആസ്ഥാനമായ ഖത്തര്‍ എയര്‍വേയ്‌സ് യൂറോപ്പ്, ഏഷ്യ, ആഫ്രിക്ക, വടക്കേ അമേരിക്ക, തെക്കേ അമേരിക്ക, ഓഷ്യാനിയ എന്നിവിടങ്ങളില്‍ വിമാന സര്‍വീസുകള്‍ നടത്തുന്നുണ്ട്.