രജനികാന്തിനെ നായകനാക്കി കമല്‍ ഹാസന്‍ സംവിധാനം ചെയ്യുന്ന സിനിമയ്ക്കായി കാത്തിരിക്കുകയാണ് ആരാധകര്‍. ചിത്രത്തിന്റെ അനൗണ്‍സ്‌മെന്റ് ഈയ്യടുത്താണ് നടന്നത്. സുന്ദര്‍ സി ആയിരുന്നു സിനിമ സംവിധാനം ചെയ്യാനിരുന്നത്. കഴിഞ്ഞാല്‍ ഈ ചിത്രത്തില്‍ നിന്നും സുന്ദര്‍ സി പിന്മാറിയിരിക്കുകയാണ്. ഇതോടെ ആരായിരിക്കും ചിത്രം സംവിധാനം ചെയ്യുക എന്നറിയാനുള്ള കാത്തിരിപ്പിലാണ് ആരാധകര്‍.
റിപ്പോര്‍ട്ടുകള്‍ പ്രകാരം തമിഴ് സിനിമയിലെ മിക്ക യുവ സംവിധായകരേയും കമല്‍ ഹാസന്‍ സമീപിച്ചുവെങ്കിലും ആരും തയ്യാറായിട്ടില്ല. എന്നാല്‍ ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍ പറയുന്നത് ധനുഷ് ഈ ചിത്രം സംവിധാനം ചെയ്‌തേക്കും. തലൈവര്‍ 173 എന്ന് തല്‍ക്കാലം പേരിട്ടിരിക്കുന്ന സിനിമ സംവിധാനം ചെയ്യാന്‍ കമല്‍ ധനുഷിനെ സമീപിച്ചുവെന്നാണ് റിപ്പോര്‍ട്ടുകള്‍.
കടുത്ത രജനികാന്ത് ആരാധകനാണ് ധനുഷ്. നേരത്തെ രണ്ട് തവണ രജനിയെ നായകനാക്കി സിനിമയൊരുക്കാന്‍ ധനുഷ് ശ്രമിച്ചിരുന്നു. എന്നാല്‍ അത് നടന്നില്ല. പക്ഷെ ഇത്തവണ നടക്കാന്‍ സാധ്യതയുണ്ടെന്നാണ് കരുതപ്പെടുന്നത്. കമല്‍-രജനി-ധനുഷ് കോമ്പോയിലൊരു സിനിമ സംഭവിക്കുകയാണെങ്കില്‍ തമിഴ് സിനിമയില്‍ അതൊരു ചരിത്രമായി മാറുമെന്നുറപ്പാണ്.
അതേസമയം സുന്ദര്‍ സി എന്തുകൊണ്ടാണ് ഈ സിനിമയില്‍ നിന്നും പിന്മാറിയതെന്ന് വ്യക്തമല്ല. റിപ്പോര്‍ട്ടുകള്‍ പ്രകാരം ചിത്രത്തില്‍ കൂടുതല്‍ മാസ് രംഗങ്ങള്‍ ചേര്‍ക്കാന്‍ ആവശ്യപ്പെട്ടുവെന്നും അതിന് സുന്ദര്‍ സി തയ്യാറായില്ലെന്നുമാണ് കരുതപ്പെടുന്നത്. 2027 പൊങ്കല്‍ റിലീസായാണ് സിനിമ പ്ലാന്‍ ചെയ്യുന്നത്. ചിത്രത്തിന്റെ ഭാവി എന്താകുമെന്ന് അറിയാന്‍ കാത്തിരിക്കുകയാണ് ആരാധകര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates