Vijay Antony 
Entertainment

മകളുടെ മരണവും ചെരുപ്പിടില്ലെന്ന വിജയ് ആന്റണിയുടെ തീരുമാനവും; ഇന്നും ധരിക്കുന്നത് അവളുടെ വാച്ച്; പൊട്ടിക്കരഞ്ഞ് ഭാര്യ

ഇനി ചെരുപ്പിടില്ലെന്ന വിജയ് ആന്റണിയുടെ തീരുമാനത്തിന് പിന്നില്‍; ഭാര്യ പറയുന്നു

Author : സമകാലിക മലയാളം ഡെസ്ക്
Edited By : അബിന്‍ പൊന്നപ്പന്‍

സംഗീത സംവിധായകനും നടനുമായ വിജയ് ആന്റണിയുടെ മകളുടെ മരണം സിനിമാലോകത്തേയും ആരാധകരെ ഇന്നും വേദനിപ്പിക്കുന്നതാണ്. മകളുടെ മരണത്തില്‍ നിന്നും വിജയ് ആന്റണി ഇന്നും മുക്തനായിട്ടില്ലെന്നതാണ് വാസ്തവം. മകളുടെ മരണ ശേഷം വിജയ് ആന്റണി ചെരുപ്പ് ഉപേക്ഷിച്ചതിനെക്കുറിച്ചും മകളുടെ വാച്ച് ധരിക്കാന്‍ തുടങ്ങിയതിനെക്കുറിച്ചും സംസാരിക്കുകയാണ് ഭാര്യ ഫാത്തിമ വിജയ് ആന്റണി.

പുതിയ ചിത്രം അപ്പകുട്ടിയുടെ പ്രീറിലീസ് ഇവന്റില്‍ സംസാരിക്കുകയായിരുന്നു ഫാത്തിമ. മകളുടെ മരണശേഷം ഇതാദ്യമായിട്ടാണ് ഫാത്തിമ ഒരു പൊതുവേദിയിലെത്തുന്നത്. എന്തുകൊണ്ടാണ് വിജയ് ആന്റണി മകളുടെ മരണ ശേഷം ചെരുപ്പ് ഉപയോഗിക്കുന്നത് നിര്‍ത്തിയെന്ന് ഫാത്തിമ പറയുന്നുണ്ട്.

''മീരയുടെ വലിയ നഷ്ടത്തിന്, പുത്രശോകത്തില്‍ നിന്നും, പൊട്ടിയ ചില്ലുക്കഷ്ണങ്ങള്‍ പതിയെ ചേര്‍ത്തുവച്ച് അഞ്ച് വര്‍ഷങ്ങള്‍ക്ക് ശേഷം ഇന്ന് ഞാന്‍ മാധ്യമങ്ങളെ കാണുകയാണ്. പുറത്ത് വരാതിരുന്ന ഞാന്‍ ഇന്ന് വന്നിരിക്കുകയാണ്. അതിന് കാരണം എന്റെ കാമുകന്‍, ഭര്‍ത്താവ് വിജയ് ആന്റണിയാണ്. ഞങ്ങളുടെ സുഹൃത്തുക്കളാണ്'' ഫാത്തിമ പറയുന്നു.

''മീര ഇപ്പോള്‍ നല്ലൊരു ഇടത്താണ് ഇരിക്കുന്നത്. മാഡം നിങ്ങള്‍ മുന്നോട്ട് വരണം, സിനിമ എടുക്കണം എന്നാണ് കാണുന്നവരൊക്കെ പറയുന്നത്. വിജയ് ആന്റണി എന്തുകൊണ്ടാണ് ചെരുപ്പ് ധരിക്കാത്തതെന്ന കാരണം പലര്‍ക്കും അറിയില്ല. ഇന്ന് ഞാന്‍ വെളിപ്പെടുത്താം. മകള്‍ കോളേജില്‍ പോകാനൊരുങ്ങുമ്പോള്‍ വാങ്ങിയ ധാരാളം ചെരുപ്പുകള്‍ ഇപ്പോഴും അതുപോലെ കിടക്കുകയാണ്. അത് കണ്ട ശേഷമാണ് അദ്ദേഹം ഇനി ജീവിതത്തില്‍ ചെരുപ്പിടില്ലെന്ന് തീരുമാനിച്ചത്.'' എന്നാണ് ഫാത്തിമ പറയുന്നത്.

ലണ്ടന്‍, പാരീസ്, സിംഗപ്പൂര്‍, മലേഷ്യ എന്നിവിടങ്ങലില്‍ സംഗീത കണ്‍സര്‍ട്ടുകള്‍ക്ക് പോകുമ്പോള്‍ ഒഴിവാക്കാന്‍ പറ്റാത്തതു കൊണ്ട് മാത്രമാണ് അദ്ദേഹം ചെറുപ്പ് ധരിക്കുന്നത്. പരിപാടി കഴിഞ്ഞുയടന്‍ തന്നെ അവ ഊരിമാറ്റുമെന്നും അവര്‍ പറയുന്നു.

''റാഡോ, റോളക്‌സ് തുടങ്ങിയ ബ്രാന്റുകളുടെ വിലകൂടിയ വാച്ചുകളുടെ വലിയൊരു ശേഖം തന്നെ വിജയ് ആന്റണിയ്ക്കുണ്ടായിരുന്നു. എന്നാല്‍ മകളുടെ വിയോഗത്തിന് ശേഷം അവയെല്ലാം അദ്ദേഹം പൂര്‍ണമായും ഉപേക്ഷിച്ചു. പകരം മീര മരിക്കുന്ന സമയത്ത് ധരിച്ചിരുന്ന വാച്ചാണ് അദ്ദേഹം ഇപ്പോള്‍ ഉപയോഗിക്കുന്നത്. എന്റെ മകള്‍ക്ക് ആഗ്രഹമുണ്ടായിരുന്നതിനാല്‍ ഞാന്‍ അവള്‍ക്കായി വാങ്ങി നല്‍കിയ വാച്ചാണത്. 4000 രൂപയ വിലയുള്ള ആ സെല്‍ഫോണ്‍ വാച്ച് മാത്രമാണ് അദ്ദേഹം ഇപ്പോള്‍ ദരിക്കുന്നത്. സ്മാര്‍ട്ട് വാച്ച് ഉപയോഗിക്കാന്‍ പലതവണ പറഞ്ഞുവെങ്കിലും കേള്‍ക്കില്ല'' എന്നും ഫാത്തിമ പറയുന്നു.

Vijay Antony stopped wearing chappals after daughter's death. Still wears her watch.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'വോട്ടർമാരുടെ മതമോ ജാതിയോ സംബന്ധിച്ച വിവരങ്ങൾ ഉൾപ്പെടുത്താറില്ല'; യോഗിക്ക് തെരഞ്ഞെടുപ്പ് കമ്മീഷന്റെ മറുപടി

സമൂഹമാധ്യമങ്ങളിൽ നിന്ന് നീക്കിയത് 15,627 പോസ്റ്റുകളും ലിങ്കുകളും; സർക്കാരിന്റെ അറിവോടെയല്ലെന്ന വാദം പൊളിയുന്നു

സൂര്യാഘാതത്തിന് സാധ്യത, നേത്ര, ഉദര രോഗങ്ങള്‍ പിടിപെടാം; അറിയാം വൃശ്ചിക മാസ ഫലം

ഒറ്റ ഓവറിൽ തെറിച്ചത് 3 വിക്കറ്റുകൾ; കേരളം മഹാരാഷ്ട്രയോട് തോറ്റു

ബാങ്ക് വായ്പാ വിവാദം ഒത്തുതീർന്നു; വ്യാപാരിയുടെ 41 ലക്ഷം രൂപയുടെ കുടിശ്ശിക എഴുതിത്തള്ളും