ബോളിവുഡ് താരം ഇലിയാന ഡിക്രൂസിന്റെ ഷോപ്പിങ് വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ ട്രെന്‍ഡാകുന്നത്. വഴിയരികിലെ ചെറിയ പച്ചക്കറി കടയില്‍ നിന്ന് പച്ചക്കറി വാങ്ങുന്ന വീഡിയോ ആണ് വൈറലായിരിക്കുന്നത്. വിലയൊക്കെ ചോദിച്ച് അറിഞ്ഞ് വിലപേശിയാണ് താരത്തിന്റെ ഷോപ്പിങ്.

രാവിലെ ജിമ്മില്‍ നിന്ന് പരിശീലനം കഴിഞ്ഞ് ഇറങ്ങിയതിന് ശേഷമാണ് പച്ചക്കറി വാങ്ങാനായി താരം കടയിലെത്തിയത്. ബാന്ദ്രയിലെ കടയില്‍ നിന്നാണ് താരം പച്ചക്കറി വാങ്ങുന്നത്. എന്തായാലും വീഡിയോ സോഷ്യല്‍ മീഡിയ ഏറ്റെടുത്തു കഴിഞ്ഞു.