മ​നാ​മ: നി​യ​മ​ലം​ഘ​ന​ങ്ങ​ൾ കണ്ടെത്തുന്ന ക​മ്പ​നി​ക​ൾ​ക്ക് പ്രശ്‌നം പരിഹരിക്കാൻ കൂടുതൽ സമയം അനുവദിക്കാനൊരുങ്ങി ബ​ഹ്‌​റൈ​ൻ. പ​ത്ത് ദി​വ​സ​ത്തെ ഗ്രേ​സ് പി​രീ​ഡ് ന​ൽ​കുന്നത് വഴി കമ്പനികളുടെ പ്രവർത്തനം തടസ്സപ്പെടാതെ പ്രശ്നങ്ങൾ പരിഹരിക്കാൻ കഴിയും. ഇത് സംബന്ധിച്ച നിർദ്ദേശം പാ​ർ​ല​മെ​ന്‍റി​ന്‍റെ സേ​വ​ന​സ​മി​തി​യു​ടെ മുന്നിൽ എം.​പി ഖാ​ലി​ദ് ബു​അ​ന​ഖ് സ​മ​ർ​പ്പി​ച്ചു.

ഈ നി​ർ​ദ്ദേ​ശം പാ​ർ​ല​മെ​ന്റ് അംഗീകരിച്ചാൽ കമ്പനികൾക്ക് നേട്ടമാകും. ഒ​രു സ്ഥാ​പ​ന​ത്തി​ന് നി​യ​മ​ലം​ഘ​നം സം​ബ​ന്ധി​ച്ച് നോ​ട്ടീ​സ് ല​ഭി​ച്ചാ​ൽ പ​ത്ത് ദി​വ​സം സമയം നൽകും. അതിനുള്ളിൽ പ്രശ്നങ്ങൾ പ​രി​ഹ​രി​ക്ക​ണം. ഈ ​സ​മ​യ​പ​രി​ധി​ക്കു​ള്ളി​ൽ ന​ട​പ​ടി​യെ​ടു​ക്കാൻ കഴിഞ്ഞില്ലെങ്കിൽ കമ്പനിയുടെ സേവനങ്ങൾ താ​ൽ​ക്കാ​ലി​ക​മാ​യി നി​ർ​ത്തി​വെ​ക്കു​ന്ന​തി​നു​ള്ള ന​ട​പ​ടി​ക​ൾ സ്വീകരിക്കും.

ഇനി കമ്പനികളുടെ ഭാഗത്ത് നിന്ന് നി​യ​മ​ലം​ഘ​നമുണ്ടായി എന്ന് സ്ഥിരീകരിക്കാൻ കൂടുതൽ അന്വേഷണം നടത്തുന്ന സമയത്ത് സ്ഥാപനങ്ങൾ അടച്ചിടേണ്ടി വരില്ല. അ​ന്വേ​ഷ​ണം പൂ​ർ​ത്തി​യാ​കു​ന്ന​തു​വ​രെ കമ്പനിയുടെ പ്രവർത്തനം തുടരാം. ഒടുവിൽ പിഴവുണ്ടെന്ന് ബോധ്യപ്പെട്ടാൽ അ​ത് പ​രി​ഹ​രി​ക്കാ​ൻ പ​ത്ത് ദി​വ​സം കൂ​ടി അ​ധി​ക​മാ​യി അ​നു​വ​ദി​ക്കും. ഇതിലൂടെ ക​മ്പ​നി​ക​ളെ വേ​ഗ​ത്തി​ൽ ന​ട​പ​ടി​യെ​ടു​ക്കാ​ൻ പ്രേരിപ്പിക്കുകയും കമ്പനിയുടെ പ്ര​വ​ർ​ത്ത​ന​ങ്ങ​ൾ ത​ട​സ്സ​പ്പെ​ടു​ന്ന​ത് കു​റ​യ്ക്കു​ക​യും ചെയ്യാൻ കഴിയുമെന്ന് എം.​പി ഖാ​ലി​ദ് ബു​അ​ന​ഖ് പറഞ്ഞു.