അബുദാബി: സ്വര്‍ണം വാങ്ങാന്‍ തയാറെടുക്കുന്ന പ്രവാസികള്‍ക്ക് ആശ്വാസ വാര്‍ത്ത. ദുബൈയില്‍ 24 കാരറ്റ് സ്വര്‍ണവില ഗ്രാമിന് 500 ദിര്‍ഹത്തില്‍ താഴെയെത്തി. വില ഇടിവ് ദുബൈയിലും യുഎഇയിലെയും സ്വര്‍ണ്ണാഭരണങ്ങള്‍ വാങ്ങുന്നവര്‍ക്ക് കൂടുതല്‍ ലാഭിക്കാനാകും.

ഇന്ന് വിപണി ആരംഭിച്ചപ്പോള്‍ 24 കാരറ്റ് സ്വര്‍ണ്ണത്തിന്റെ വില ഗ്രാമിന് 496.75 ദിര്‍ഹമായിരുന്നു. വ്യാഴാഴ്ച വിപണി അവസാനിക്കുമ്പോള്‍ ഗ്രാമിന് 509.25 ദിര്‍ഹമായിരുന്നു, ഗ്രാമിന് 12.5 ദിര്‍ഹവും. ഏറെ നാളുകള്‍ക്ക് ശേഷമാണ് വിപണിയില്‍ ഏറ്റവും മൂല്യമുള്ള 24 കാരറ്റ് സ്വര്‍ണത്തിന്റെ വില ഗ്രാമിന് 500 ദിര്‍ഹത്തിന് താഴേക്ക് വീഴുന്നത്.

സ്വര്‍ണം വാങ്ങാന്‍ ആഗ്രഹിക്കുന്നവര്‍ക്കും നാട്ടിലേക്ക് മടങ്ങാന്‍ തയ്യാറെടുക്കുന്ന ഇന്ത്യന്‍ പ്രവാസി കുടുംബങ്ങള്‍ക്കും ഈ വിലക്കുറവ് വലിയൊരു ആശ്വാസമാണ്. ആഗോള സാമ്പത്തിക വിപണിയിലെ തളര്‍ച്ചയുടെയും ധനനയങ്ങളിലെ മാറ്റങ്ങളുടെയും പ്രതിഫലനമാണിത്.

ഇന്നലെ വ്യാപാരം അവസാനിക്കുമ്പോള്‍ ഇത് ഗ്രാമിന് 509.25 ദിര്‍ഹമായിരുന്നു. അതായത്, ഒറ്റയടിക്ക് ഗ്രാമിന് 12.5 ദിര്‍ഹത്തിന്റെ വലിയ കുറവാണ് ഈ വിഭാഗത്തില്‍ മാത്രം രേഖപ്പെടുത്തിയിരിക്കുന്നത്. ആഭരണങ്ങള്‍ നിര്‍മ്മിക്കാന്‍ സാധാരണക്കാര്‍ ഏറ്റവും കൂടുതല്‍ തിരഞ്ഞെടുക്കുന്ന 22 കാരറ്റ് സ്വര്‍ണത്തിന്റെ വിലയിലും വലിയ ഇടിവുണ്ടായിട്ടുണ്ട്.

വിപണിയിലെ ഏറ്റവും പുതിയ നിരക്കുകള്‍

22 കാരറ്റ് സ്വര്‍ണം ഗ്രാമിന് - 460.0 ദിര്‍ഹം

21 കാരറ്റ് -441.25 ദിര്‍ഹവും

18 കാരറ്റ് -378.0 ദിര്‍ഹം

14 കാരറ്റ് -295.0 ദിര്‍ഹം