കുവൈത്ത് സിറ്റി: ഗ​താ​ഗ​ത നി​യ​മ​ലം​ഘ​നങ്ങൾ കണ്ടെത്താൻ വ്യ​ത്യ​സ്‍ത മാർഗവുമായി കുവൈത്ത് ജ​ന​റ​ൽ ട്രാ​ഫി​ക് വ​കു​പ്പ്. ഇനി മുതൽ സോഷ്യൽ മീഡിയയിൽ ആളുകൾ പങ്ക് വെയ്ക്കുന്ന ട്രാഫിക് നിയമലംഘനത്തിന്റെ വിവരങ്ങൾ പരിശോധിച്ച് നടപടി സ്വീകരിക്കും. ഇതിനായി പ്രത്യേക സംഘത്തെ നിയോഗിച്ചതായി അധികൃതർ അറിയിച്ചു.

വാഹനങ്ങൾ നീരീക്ഷിക്കാനും നി​യ​മ​ലം​ഘ​നങ്ങൾ കണ്ടെത്താൻ നിരവധി ക്യാമറകളാണ് പൊതു നി​ര​ത്തു​ക​ളി​ൽ സ്ഥാ​പി​ച്ചി​രിക്കുന്നത്. ഇവ പരിശോധിച്ച് തുടർ നടപടികൾ സ്വീകരിക്കാൻ പ്രത്യേക സംഘത്തെയും നിയോഗിച്ചിട്ടുണ്ട്. ഇതിനു പുറമെയാണ് സോഷ്യൽ മീഡിയയിലും നീരീക്ഷണം ശക്തമാക്കാൻ അധികൃതർ തീരുമാനിച്ചത്. ആളുകൾ സോഷ്യൽ മീഡിയയിൽ പാനിക് വെയ്ക്കുന്ന ഗ​താ​ഗ​ത നി​യ​മ​ലം​ഘ​നങ്ങൾ പൊലീസ് പരിശോധിക്കും.

ഗുരുതരമായ കുറ്റമാണെങ്കിൽ ഡ്രൈവറർമാരെ വിളിച്ചു വരുത്തും. അവർക്കെതിരെ തുടർ നടപടികൾ സ്വീകരിക്കുമെന്നും അധികൃതർ വ്യക്തമാക്കി. വാ​ഹ​ന ഉ​ട​മ ഹാ​ജ​രാ​കാ​തെയിരുന്നാൽ കേസ് ട്രാ​ഫി​ക് ഇ​ൻ​വെ​സ്റ്റി​ഗേ​ഷ​ൻ യൂണിറ്റിന് കൈമാറും. ഇതിലൂടെ ക്യാമറകൾ ഇല്ലാത്ത സ്ഥലങ്ങളിൽ നടക്കുന്ന നിയമ​ലം​ഘ​നങ്ങൾ കൃത്യമായി കണ്ടെത്താൻ കഴിയുമെന്നൊരു പ്രത്യേകത കൂടെയുണ്ട്. പുതിയ നടപടിയിലൂടെ ജനങ്ങൾ കൂടുതൽ ഉത്തരവാദിത്വ ബോധത്തോടെ വാഹനം ഓടിക്കുമെന്നാണ് വിലയിരുത്തൽ.

കഴിഞ്ഞ ആഴ്ച സോഷ്യൽ മീഡിയയിലെ ദൃശ്യങ്ങളുടെ അടിസ്ഥാനത്തിൽ എ​ട്ട് വാ​ഹ​ന​ങ്ങ​ൾ ഗ​താ​ഗ​ത​നി​യ​മ​ങ്ങ​ൾ ലം​ഘി​ച്ച​താ​യി ക​ണ്ടെ​ത്തി. ഹൈ​വേ​യി​ൽ എ​തി​ർ​ദി​ശ​യി​ൽ വാ​ഹ​ന​മോ​ടി​ക്കുക,മറ്റ് വാ​ഹ​ന​യാ​ത്ര​ക്കാ​ര​നെ മനപ്പൂർവ്വം ശ​ല്യ​പ്പെ​ടു​ത്തു​ക, അതിവേഗ പാതയിൽ വേഗത കുറച്ച് ഓടിക്കുക, റോഡ് ലൈൻ തെറ്റിക്കുക തുടങ്ങിയ നിരവധി നി​യ​മ​ ലം​ഘനങ്ങളാണ് കണ്ടെത്തിയത്. കുറ്റക്കാർക്കെതിരെ തുടർ നടപടികൾ സ്വീകരിച്ചതായി റിപ്പോർട്ടുകളുണ്ട്.