മുംബൈ: സുഹൃത്തായ യുവതിക്കൊപ്പം ലൈംഗിക ബന്ധത്തിലേര്‍പ്പെട്ട 30കാരന്‍ കഴുത്തില്‍ കയര്‍ കഴുത്തില്‍ മുറുകി ശ്വാസംമുട്ടി മരിച്ചു. വിവാഹിതയും ഒരു കുട്ടിയുടെ അമ്മയുമായി യുവതിക്കൊപ്പം ലോഡ്ജില്‍ മുറിയെടുത്ത ശേഷം ശരീരം കയര്‍ കൊണ്ട് ബന്ധിച്ച് ലൈംഗിക ബന്ധത്തിലേര്‍പ്പെടുന്നതിനിടെയാണ് യുവാവിന് ദാരുണാന്ത്യം സംഭവിച്ചത്. മഹാരാഷ്ട്രയിലെ നാഗ്പുരിലാണ് സംഭവം.

സംഭവത്തെക്കുറിച്ച് പൊലീസ് പറയുന്നത് ഇങ്ങനെ- കഴിഞ്ഞ അഞ്ച് വര്‍ഷമായി യുവതിയും യുവാവും തമ്മില്‍ ഇഷ്ടത്തിലാണ്. യുവതി വിവാഹിതയും ഒരു കുട്ടിയുടെ അമ്മയുമാണ്. ഇരുവരും കഴിഞ്ഞ ദിവസം ഖപര്‍ഖേഡ എന്ന സ്ഥലത്ത് ഒരു ലോഡ്ജില്‍ മുറിയെടുക്കുകയായിരുന്നു. പിന്നീട് ഇവിടെ വച്ച് യുവതി യുവാവിന്റെ കൈയിലും കഴുത്തിലും കയര്‍ ചുറ്റി ലൈംഗിക ബന്ധത്തില്‍ ഏര്‍പ്പെട്ടു. കൂടുതല്‍ സംതൃപ്തിക്ക് വേണ്ടിയായിരുന്നു ഇത്തരമൊരു സാഹസത്തിന് മുതിര്‍ന്നതെന്ന് യുവതി സമ്മതിച്ചതായും പൊലീസ് പറയുന്നു. 

അതിനിടെ യുവതി ബാത്ത്‌റൂമില്‍ പോയ സമയത്ത് അബദ്ധത്തില്‍ കസേര മറിഞ്ഞ് വീണ് യുവാവിന്റെ കഴുത്തി കയര്‍ മുറുകി മരണം സംഭവിക്കുകയായിരുന്നു. ബാത്‌റൂമില്‍ നിന്ന് യുവതി തിരിച്ചെത്തിയപ്പോള്‍ ബോധമില്ലാതെ കിടക്കുന്ന യുവാവിനെയാണ് കണ്ടത്. ഉടന്‍ തന്നെ ഇവര്‍ ഹോട്ടല്‍ ജീവനക്കാരെ വിവരം അറിയിക്കുകയും അവര്‍ യുവാവിനെ ആശുപത്രിയില്‍ എത്തിക്കുകയും ചെയ്‌തെങ്കിലും അപ്പോഴേക്കും മരണം സംഭവിച്ചിരുന്നു. 

പൊലീസ് യുവതിയെ വിശദമായ ചോദ്യ ചെയ്യലിന് വിധേയയാക്കി. കേസ് രജിസ്റ്റര്‍ ചെയ്ത് പൊലീസ് അന്വേഷണം ഊര്‍ജ്ജിതമാക്കിയിട്ടുണ്ട്.