VD Satheesan & Sunny Joseph 
Kerala

കോൺഗ്രസിലെ ആഭ്യന്തര കലഹം രൂക്ഷമാകുന്നു; ഹൈക്കമാൻഡിന് മുന്നിൽ പരാതിക്കെട്ടഴിക്കാൻ ഇരുചേരികളും

പാർട്ടിക്കുള്ളിലും പൊതുജനമധ്യത്തിലും തങ്ങളുടെ പ്രതിച്ഛായ തകർക്കാൻ ശ്രമിക്കുന്നുവെന്ന് വിഡി സതീശൻ പക്ഷവും സതീശൻ വിരുദ്ധ ചേരിയും പരസ്പരം ആരോപിക്കുന്നു

Author : കെഎസ് ശ്രീജിത്ത്

തിരുവനന്തപുരം: കഴിഞ്ഞ മന്ത്രിസഭാ യോഗത്തിൽ മറനീക്കി പുറത്തുവന്ന കോൺഗ്രസിലെ ഗ്രൂപ്പ് പോര് കൂടുതൽ രൂക്ഷമാകുന്നു. പരസ്പരം തെളിവുകളും വിവരങ്ങളും ശേഖരിച്ച് തങ്ങളുടെ പരാതികൾ പാർട്ടി ഹൈക്കമാൻഡിന് മുന്നിൽ അവതരിപ്പിക്കാൻ ഇരുവിഭാഗങ്ങളും തയ്യാറെടുക്കുന്നതോടെ പോര് പുതിയ തലത്തിലേക്ക് കടക്കുകയാണ്. മുഖ്യമന്ത്രി വിഡി സതീശന്റെ പ്രവർത്തനശൈലിയെച്ചൊല്ലി ആരംഭിച്ച ഭിന്നതകൾ ഇപ്പോൾ പാർട്ടിക്കുള്ളിലെ രാഷ്ട്രീയ ഇടം പിടിച്ചെടുക്കാനുള്ള പോരാട്ടമായി വളർന്നിരിക്കുകയാണ്. പാർട്ടിക്കുള്ളിലും പൊതുജനമധ്യത്തിലും തങ്ങളുടെ പ്രതിച്ഛായ തകർക്കാൻ ശ്രമിക്കുന്നുവെന്ന് വിഡി സതീശൻ പക്ഷവും സതീശൻ വിരുദ്ധ ചേരിയും പരസ്പരം ആരോപിക്കുന്നു.

വിഷയത്തിൽ ഹൈക്കമാൻഡിനെ സമീപിക്കുമെന്ന് സതീശൻ പക്ഷം സൂചന നൽകിയതോടെ, തങ്ങളുടെ പരാതികളും കേന്ദ്ര നേതൃത്വത്തിന് മുന്നിൽ നിരത്താനുള്ള അവസരമായാണ് എതിർപക്ഷം ഇതിനെ കാണുന്നത്. മുഖ്യമന്ത്രി, യുഡിഎഫ് കൺവീനർ, കെപിസിസി പ്രസിഡന്റ് എന്നീ മൂന്ന് പ്രധാന നേതാക്കളാണ് ഈ തർക്കത്തിന്റെ കേന്ദ്രബിന്ദുക്കൾ എന്നതിനാൽ എഐസിസി നേതൃത്വത്തെയും ഇത് വലിയ പ്രതിസന്ധിയിലാക്കും. ഇതിനിടെ യുഡിഎഫിലെ ചില ഘടകകക്ഷികളും ഈ തർക്കത്തിന്റെ ഭാഗമായി മാറിയതോടെ പ്രശ്നത്തിന് പുതിയ മാനം കൈവന്നിട്ടുണ്ട്.

താഴെത്തട്ടിലേക്കും പടരുന്ന ഭിന്നത

നേതൃത്വത്തിൽ മാത്രം ഒതുങ്ങിനിന്നിരുന്ന ഭിന്നതകൾ ഇപ്പോൾ താഴെത്തട്ടിലുള്ള പ്രവർത്തകരെയും ബാധിച്ചു തുടങ്ങിയതായി ഒരു മുൻ കെപിസിസി പ്രസിഡന്റ് വ്യക്തമാക്കി. "ഇത് പ്രതീക്ഷിച്ചിരുന്ന ഒരു സംഭവവികാസമാണ്. സർക്കാർ-പാർട്ടി ഏകോപന സമിതി രൂപീകരിക്കണമെന്ന എഐസിസി ജനറൽ സെക്രട്ടറി ദീപ ദാസ് മുൻഷിയുടെ നിർദ്ദേശം നേതാക്കൾ കേട്ടിരുന്നെങ്കിൽ ഇത്തരം പ്രശ്നങ്ങൾ അഭിമുഖീകരിക്കേണ്ടിവരില്ലായിരുന്നു," അദ്ദേഹം പറഞ്ഞു.

കെപിസിസി പ്രസിഡന്റും വർക്കിങ് പ്രസിഡന്റുമാരും മുൻ പിസിസി പ്രസിഡന്റുമാരും മന്ത്രിസഭയിലുണ്ടെന്നും അതിനാൽ പ്രത്യേക ഏകോപന സംവിധാനത്തിന്റെ ആവശ്യമില്ലെന്നുമായിരുന്നു സതീശൻ ആദ്യം വാദിച്ചത്. എന്നാൽ യുഡിഎഫ് ഘടകകക്ഷികൾ കൂടി ഈ തർക്കത്തിലേക്ക് കടന്നുവന്നതോടെ സാഹചര്യം കൂടുതൽ വഷളായിരിക്കുകയാണെന്നും മുതിർന്ന നേതാവ് ചൂണ്ടിക്കാട്ടി.

Factional tensions within the Kerala Congress—which spilled out during the recent cabinet meeting—have intensified, with both Chief Minister V.D. Satheesan's camp and rival factions compiling grievances to approach the party high command, even as a couple of UDF allies get drawn into the tussle.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഭക്തിയുടെ തിളക്കം', 121 കിലോ സ്വര്‍ണാഭരണങ്ങള്‍ തിരുപ്പതി ഭഗവാന്; വഴിപാടുമായി വ്യവസായി

'ഇത് ലിയോയു‌ടെ വി​ഗ് അല്ലേ'? അനിരുദ്ധിന്റെ സൽക്കാരത്തിൽ ചർച്ചയായി വിജയ്‌യുടെ ലുക്ക്; തൃഷ എവിടെയെന്ന് സോഷ്യൽ മീഡിയ

'ഞാൻ ജടായുവായിട്ട് ഒരു റീൽ വരുമെന്ന് വർഷങ്ങൾക്ക് മുൻപ് നമ്മളറിയുന്നുണ്ടോ ? ഭയങ്കര സന്തോഷം തോന്നി'; ജടായു ട്രോൾ വിഡിയോയിൽ മുകേഷ്

തുടരെ '7 അർധ സെഞ്ച്വറി' കൂട്ടുകെട്ട്!! ചരിത്രമെഴുതി വെല്ലിങ്ടനിലെ ടീം ഇന്ത്യ!

കോഴിക്കോട് കാരന്തൂർ ഹരഹര മഹാദേവ ക്ഷേത്രത്തിൽ വീണ്ടും അവിവാഹിതർക്കായി വിവാഹ രജിസ്ട്രേഷൻ ക്യാമ്പ്; പുലർച്ചെ മുതൽ വൻ തിരക്ക്