സിഎംആര്‍എല്‍- എക്‌സാലോജിക് കേസില്‍ നാളെ ചോദ്യം ചെയ്യലിന് ഹാജരാകാന്‍ സാധിക്കില്ലെന്ന് വ്യക്തമാക്കി ഇഡിക്ക് പിണറായി വിജയന്‍ കത്തയച്ചു. 30 വർഷത്തേക്ക് കോൺഗ്രസ് അധികാരത്തിലെത്തില്ലെന്ന് അമിത് ഷാ പറഞ്ഞു. ന്യൂസിലന്‍ഡിനെതിരായ ആദ്യ ടി20യില്‍ ഇന്ത്യയ്ക്ക് ആവേശകരമായ വിജയം. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

സിഎംആര്‍എല്‍- എക്‌സാലോജിക് കേസില്‍ നാളെ ചോദ്യം ചെയ്യലിന് ഹാജരാകാന്‍ സാധിക്കില്ലെന്ന് വ്യക്തമാക്കി എന്‍ഫോഴ്‌സ്‌മെന്റ് ഡയറക്ടറേറ്റിന് പിണറായി വിജയന്‍ കത്തയച്ചു. കൊച്ചിയിലെ ഓഫീസില്‍ ഒക്ടോബര്‍ 23 ന് രാവിലെ 11 മണിക്ക് ഹാജരാകാന്‍ നിര്‍ദ്ദേശിച്ചാണ് ഇഡി പിണറായിക്ക് സമന്‍സ് നല്‍കിയിരുന്നത്. ഇതിനാണ് മറുപടി കൈമാറിയത്.

രാഷ്ട്രീയ പ്രതിഷേധങ്ങളും പ്രകടനങ്ങളും കൊണ്ട് ഒന്നും നേടാനാകില്ലെന്നും രാഷ്ട്രീയ നേതാക്കൾ ജനക്ഷേമ പ്രവർത്തനങ്ങളിലാണ് ശ്രദ്ധ കേന്ദ്രീകരിക്കേണ്ടതെന്നും കേന്ദ്ര ആഭ്യന്തര മന്ത്രി അമിത് ഷാ. വോട്ടർപട്ടികയിലെ ക്രമക്കേടുകളും 'വോട്ട് കവർച്ച'യും ആരോപിച്ച് രംഗത്തെത്തിയ കോൺഗ്രസിനെയും ആം ആദ്മി പാർട്ടിയെയും രൂക്ഷമായി വിമർശിച്ച അദ്ദേഹം, ജനവിധിയെ അട്ടിമറിക്കാൻ ഇത്തരം അനാവശ്യ രാഷ്ട്രീയ തന്ത്രങ്ങളും ആൾക്കൂട്ട രാഷ്ട്രീയവും ഉപയോഗിക്കരുതെന്നും താക്കീത് ചെയ്തു.

 കെപിസിസി നിർദേശം ലംഘിച്ച് പരസ്യപ്രസ്താവനകൾ നടത്തിയ മുതിർന്ന നേതാവ് കെ. സുധാകരനും മഹിളാ കോൺഗ്രസ് സംസ്ഥാന അധ്യക്ഷ ജെബി മേത്തർക്കുമെതിരെ ശക്തമായ അച്ചടക്ക നടപടി സ്വീകരിക്കണമെന്ന് രാജ്മോഹൻ ഉണ്ണിത്താൻ എംപി ആവശ്യപ്പെട്ടു. പാർട്ടിയിൽ ഇരുവർക്കും യാതൊരുവിധ പ്രത്യേക പരിഗണനകളോ അവകാശങ്ങളോ ഇല്ലെന്ന് ഉണ്ണിത്താൻ വ്യക്തമാക്കി.

അല്‍ഖ്വയ്ദ ഭീകരന്‍ ഒസാമ ബിന്‍ലാദനെ കണ്ടെത്തി വധിച്ച അതേ പാകിസ്ഥാനിലാണ് അധോലോക കുറ്റവാളി ദാവൂദ് ഇബ്രാഹിമും ഉള്ളതെന്ന് ഇന്ത്യ ഐക്യരാഷ്ട്രസഭയില്‍ . 1993ലെ മുംബൈ സ്‌ഫോടന പരമ്പരയ്ക്കു ശേഷം ദാവൂദ് രാജ്യം വിട്ടതാണെന്നും പാകിസ്ഥാനില്‍ ഒളിവില്‍ കഴിയുകയാണെന്നും യുഎന്നിലെ ഇന്ത്യന്‍ പ്രതിനിധി രാഘു പുരി വ്യക്തമാക്കി.

ന്യൂസിലന്‍ഡിനെതിരായ ആദ്യ ടി20 പോരാട്ടത്തില്‍ ത്രില്ലര്‍ വിജയവുമായി ഇന്ത്യ. സഞ്ജു സാംസണ്‍- അഭിഷേക് ശര്‍മ സഖ്യം മിന്നും തുടക്കം നല്‍കിയിട്ടും ഇടയ്ക്ക് തുടരെ വിക്കറ്റുകള്‍ വീണ് ഇന്ത്യ പരുങ്ങിയിരുന്നു. എന്നാല്‍ ക്യാപ്റ്റന്‍ ശ്രേയസ് അയ്യരും അക്ഷര്‍ പട്ടേലും നമാന്‍ ധിറും ചേര്‍ന്നു ടീമിനെ ഒടുവില്‍ വിജയത്തിലെത്തിച്ചു. 4 വിക്കറ്റ് വിജയമാണ് ഇന്ത്യ സ്വന്തമാക്കിയത്.