സംസ്ഥാനത്തെ ഹ​ജ്ജ് ക​മ്മി​റ്റി ( haj committee ) ​ക്ക്​ കീ​ഴി​ൽ മക്കയിലെത്തിയ മ​ല​യാ​ളി ഹാ​ജി​മാ​രു​ടെ മ​ദീ​ന സ​ന്ദ​ർ​ശ​നം നാളെ ആ​രം​ഭി​ക്കും. ആ​ദ്യ​ ദിവസം 345 തീ​ർ​ഥാ​ട​ക​രാ​ണ് സ​ന്ദ​ർ​ശ​ന​ത്തി​നാ​യി പു​റ​പ്പെ​ടു​ന്ന​ത്. ബ​സ് മാ​ർ​ഗ​മാ​ണ് തീ​ർ​ഥാ​ട​ക​രു​ടെ യാ​ത്ര. ഇതിനായുള്ള ഒരുക്കങ്ങൾ ഹ​ജ്ജ് സ​ർ​വി​സ് ക​മ്പ​നി പൂർത്തിയാക്കി.

തീ​ർ​ഥാ​ട​ക​രുടെ ല​ഗേ​ജു​ക​ൾ കൊ​ണ്ടു​പോ​കാ​നാ​യി പ്ര​ത്യേ​ക​മാ​യ വാഹനവും ഒരുക്കിയിട്ടുണ്ട്. മ​ദീ​ന​യി​ലെ പ്ര​വാ​ച​ക പ​ള്ളി​ക്ക​ടു​ത്തുള്ള മ​ർ​ക്ക​സി​യ ഏ​രി​യ​യി​ലാ​ണ് ഹാ​ജി​മാ​ർ​ക്ക് താ​മ​സം ഒ​രു​ക്കി​യിട്ടുണ്ട്. ഹാ​ജി​മാ​ർ​ക്കാ​യി ര​ണ്ട് ഡി​സ്പെ​ൻ​സ​റി​ക​ളും 20 കി​ട​ക്ക​ക​ളു​ള്ള ആ​ശു​പ​ത്രി​യും ഹ​ജ്ജ്​ മി​ഷ​ന്റെ കീ​ഴി​ൽ മ​ദീ​ന​യി​ൽ ഒ​രു​ക്കി​യി​ട്ടു​ണ്ട്.

എ​ട്ടു ദി​വ​സം നീ​ളു​ന്ന സ​ന്ദ​ർ​ശ​നം പൂ​ർ​ത്തീ​ക​രി​ച്ച് ഈ ​മാ​സം 25-ന്​ ​മ​ല​യാ​ളി ഹാ​ജി​മാ​രു​ടെ ആ​ദ്യ സം​ഘം നാ​ട്ടി​ലേ​ക്ക് മടങ്ങും. മ​ദീ​ന​യി​ൽ പ്ര​വാ​ച​ക പ​ള്ളി​യും ഖ​ബ​റി​ട​വും റൗ​ദ​യും ച​രി​ത്ര​പ്ര​ധാ​ന സ്ഥ​ല​ങ്ങ​ളും ഹാ​ജി​മാ​ർ സ​ന്ദ​ർ​ശി​ക്കും.

ഗാസയിലെ സ്ഫോടനത്തിൽ കണ്ണ് തകർന്ന ഏ​ഴു​വ​യ​സ്സുകാ​ര​ന് കൈത്താങ്ങായി സൗദി രാജാവ്

ക​ടു​ത്ത വേ​ന​ൽ ചൂട് മ​ദീ​ന​യി​ൽ അ​നു​ഭ​വ​പ്പെ​ടു​ന്ന​ത്കൊണ്ട് തന്നെ ഹാജിമാർ പു​റ​ത്തി​റ​ങ്ങു​മ്പോ​ൾ കു​ട കൈ​യ്യി​ൽ ക​രു​ത​ണം. ധാ​രാ​ളം വെ​ള്ളം കു​ടി​ക്ക​ണം എന്നതടക്കമുള്ള നിർദേശങ്ങൾ ഹാ​ജി​മാ​ർ​ക്ക് ന​ൽ​കി​യി​ട്ടു​ണ്ട്.

മ​ദീ​ന​യി​ലെ താ​മ​സ​കേ​ന്ദ്ര​ങ്ങ​ൾ ഹ​റ​മി​ന​ടു​ത്ത മ​ർ​ക്ക​സി​യ ഏ​രി​യ​യി​ൽ ആ​യ​തി​നാ​ൽ പാ​ച​ക​സൗ​ക​ര്യം തീ​ർ​ഥാ​ട​ക​ർ​ക്ക് ലഭ്യമല്ല. ഹോ​ട്ട​ലു​ക​ളും കാ​റ്റ​റി​ങ് സ​ർ​വി​സു​മാ​ണ് ഭ​ക്ഷ​ണ​ത്തി​നാ​യി തീ​ർ​ഥാ​ട​ക​ർ ഉ​പ​യോ​ഗി​ക്കു​ന്ന​ത്.

വി​വി​ധ സം​സ്ഥാ​ന​ങ്ങ​ളി​ൽ​നി​ന്നു​ള്ള ഇ​ന്ത്യ​ൻ ഹാ​ജി​മാ​ർ വ്യാ​ഴാ​ഴ്ച മു​ത​ൽ മ​ദീ​ന​യി​ൽ എ​ത്തി​ത്തു​ട​ങ്ങി​യി​രു​ന്നു. ജി​ദ്ദ വ​ഴി 6,000-ത്തോ​ളം ഇ​ന്ത്യ​ൻ തീ​ർ​ഥാ​ട​ക​രാ​ണ് ഇ​തു​വ​രെ നാ​ട്ടി​ൽ തി​രി​ച്ചെ​ത്തി​യ​ത്.

2400 മണിക്കൂർ ജോലി 700 ആയി കുറയും; ദുബൈ മെട്രോയിൽ 70% ജീവനക്കാരുടെ ജോലി ഇനി ഈ സംവിധാനം ചെയ്യും (വിഡിയോ കാണാം )