ദുബൈ: മമ്മൂട്ടിക്കും മോഹൻലാലിനുമൊക്കെ ലഭിച്ച ആ ഗോൾഡൻ വിസ നിങ്ങൾക്കും ഇനി സ്വന്തമാക്കാം. അതിനുള്ള അ​പേ​ക്ഷ ന​ട​പ​ടി​ക​ൾ ഇന്ത്യയിൽ നിന്നും ​ത​ന്നെ ആ​രം​ഭി​ക്കാ​നും കഴിയും. വിഎ​ഫ്​എ​സ്​ ഗ്ലോ​ബ​ലും റ​യാ​ദ്​ ഗ്രൂ​പ്പും ചേർന്ന് ഇന്ത്യയിലെ വിവിധ നഗരങ്ങളിൽ ഇതിനായി സൗ​ക​ര്യം ഒരുക്കിയിട്ടുണ്ട്. യോ​ഗ്യ​രാ​യ വ്യ​ക്തി​ക​ൾ​ക്ക്​ അ​പേ​ക്ഷ ന​ട​പ​ടി​ക​ൾ ലളിതമാക്കാനും നി​ർ​ദേ​ശ​ങ്ങ​ൾ നൽകാനുമായി ആണ് ​ ഇത്തരം ഒരു സം​വി​ധാ​നം ആരംഭിച്ചത്.

ഗോൾഡൻ വിസ നേടണമെങ്കിൽ 20 ലക്ഷം ദിർഹം (ഏകദേശം 4.66 കോടി) മൂല്യമുള്ള നിക്ഷേപങ്ങൾ യു എ ഇയിൽ നടത്തണമെന്നായിരുന്നു ചട്ടം. ഈ നിയമത്തിൽ ഇളവ് വരുത്തിയതോടെ ഇന്ത്യൻ പൗരന്മാർക്ക് 23.3 ലക്ഷം രൂപയുടെ ഒറ്റത്തവണ ഫീസ് അടച്ച് ഗോൾഡൻ വിസ നേടാൻ കഴിയും. ഐടി, ഹെൽത്ത് കെയർ, അക്കാദമിക് രംഗങ്ങളിലെ മിഡിൽ ക്ലാസ് പ്രൊഫഷണലുകൾക്ക് ഗോൾഡൻ വിസ സ്വന്തമാക്കാനുള്ള അവസരം കൂടിയാണ് ഇത്.

ഗോ​ൾ​ഡ​ൻ വി​സ​ക്ക്​ അ​പേ​ക്ഷി​ക്കു​ന്ന​വ​ർ യുഎഇ​യി​ൽ ഉ​ണ്ടാ​യി​രി​ക്ക​ണം എന്നാണ് നിയമം. എ​ന്നാ​ൽ, പു​തി​യ സം​വി​ധാ​ന​ത്തി​ലൂ​ടെ അ​പേ​ക്ഷ തു​ട​ങ്ങാ​നും പ്രീ ​അ​പ്രൂ​വ​ൽ നടപടികൾ പൂ​ർ​ത്തീ​ക​രി​ക്കാ​നും ഇ​ന്ത്യ​യി​ൽ ​നിന്ന് ​ ത​ന്നെ സാ​ധി​ക്കും. അ​ന്തി​മ അ​നു​മ​തി​ക്ക്​ മാത്രം അ​പേ​ക്ഷ​ക​ൻ യു.​എ.​ഇ​യി​ൽ എത്തിയാൽ മതിയാകും. ചെ​​ന്നൈ, ഹൈ​ദ​രാ​ബാ​ദ്, പു​ണെ,​ഡ​ൽ​ഹി, മും​ബൈ, അഹമ്മദാബാദ് തുടങ്ങിയ ന​ഗ​ര​ങ്ങ​ളി​ൽ സേ​വ​നം ല​ഭ്യ​മാ​ണ്. ഓ​ൺ​ലൈ​ൻ വ​ഴി​യും ഫോ​ൺ മു​ഖേ​ന​യും ഗോ​ൾ​ഡ​ൻ വി​സ​ക്ക്​ അ​പേ​ക്ഷിക്കാൻ സാധിക്കും.

പ്രൊ​ഫൈ​ൽ, പാസ്പോർട്ട് കോപ്പി , വിദ്യാഭാസ ​യോ​ഗ്യ​ത, ആറ് മാ​സ​ത്തെ ബാ​ങ്ക്​ സ്റ്റേ​റ്റ്​​മെ​ന്‍റ്, അ​ഡ്ര​സ്​ പ്രൂ​ഫ്, പൊ​ലീ​സ്​ ക്ലി​യ​റ​ൻ​സ്​ സ​ർ​ട്ടി​ഫി​ക്ക​റ്റ്​ എ​ന്നി​വ​യാ​ണ്​ അപേക്ഷിക്കാൻ ആവശ്യമുള്ള രേഖകൾ. ഈ സേ​വ​നം സം​ബ​ന്ധി​ച്ച്​ അ​റി​യാ​ൻ +91-22-62018483 എ​ന്ന ഹെ​ൽ​പ്​​ലൈ​ൻ നമ്പറിൽ ബന്ധപ്പെടാവുന്നതാണ്.

Immigration advisory services for the UAE Golden Visa are now accessible in India through a new initiative launched by VFS Education, Trade & Migration (VFS ETM) Services, a business unit of the VFS Global group, in partnership with global immigration consultancy Rayad Group.