ലണ്ടന്: സിംബാബ്വെക്കെതിരായ ഒന്നാം ക്രിക്കറ്റ് ടെസ്റ്റിന്റെ ഒന്നാം ഇന്നിങ്സില് കൂറ്റന് സ്കോറുയര്ത്തി ഇംഗ്ലണ്ട്. രണ്ടാം ദിനം ഒന്നാം ഇന്നിങ്സില് ഇംഗ്ലണ്ട് ആറ് വിക്കറ്റ് നഷ്ടത്തില് 565 റണ്സെടുത്ത് ഡിക്ലയര് ചെയ്തു.
മൂന്ന് മുന്നിര ബാറ്റര്മാരുടെ സെഞ്ച്വറികളാണ് ഇംഗ്ലണ്ടിന് കൂറ്റന് സ്കോര് സമ്മാനിച്ചത്. ഓപ്പണര്മാരായ സാക് ക്രൗളി, ബെന് ഡക്കറ്റ്, ഒലി പോപ്പ് എന്നിവരാണ് ശതകം കുറിച്ചത്. ക്രൗളി 124 റണ്സും ഡക്കറ്റ് 140 റണ്സും ഒലി പോപ്പ് 171 റണ്സും കണ്ടെത്തി. ക്രൗളി, ഡക്കറ്റ് എന്നിവരുടെ അഞ്ചാം ടെസ്റ്റ് സെഞ്ച്വറിയാണിത്. ഒലി പോപ്പ് നേടുന്ന എട്ടാം ടെസ്റ്റ് ശതകവും.
ജോ റൂട്ട് 34 റണ്സെടുത്തു മടങ്ങി. ഹാരി ബ്രൂക് അര്ധ സെഞ്ച്വറി നേടി. താരം 58 റണ്സ് കണ്ടെത്തി.
സിംബബ്വെയ്ക്കായി ബ്ലസിങ് മുസര്ബാനി 3 വിക്കറ്റുകള് നേടി. തംക ചിവാംഗ, സികന്ദര് റാസ, വെസ്ലി മധവേരെ എന്നിവര് ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates