ന്യൂഡൽഹി: ഐപിഎല്ലിൽ വിജയക്കുതിപ്പ് തുടർന്ന് നിലവിലെ ചാമ്പ്യന്മാരായ ഗുജറാത്ത് ടൈറ്റൻസ്. ഇന്നലെ നടന്ന മത്സരത്തിൽ ഡൽഹി ക്യാപിറ്റൽസിനെ അഞ്ചുവിക്കറ്റിന് തകർത്ത് തുടർച്ചയായ രണ്ടാം ജയം സ്വന്തമാക്കുകയായിരുന്നു ടൈറ്റൻസ്. ഡൽഹി ഉയർത്തിയ 163 റൺസ് വിജയലക്ഷ്യം 18.1 ഓവറിൽ അഞ്ചുവിക്കറ്റ് നഷ്ടപ്പെടുത്തിൽ മറികടന്നാണ് ജയം. 

വിജയലക്ഷ്യത്തിലേക്ക് ബാറ്റേന്തിയ ടൈറ്റൻസ് തുടക്കത്തിൽ തകർന്നെങ്കിലും അർധസെഞ്ചുറി നേടി പുറത്താവാതെ നിന്ന യുവതാരം സായ് സുദർശന്റെ മികവിൽ വിജയത്തിലെത്തുകയായിരുന്നു. ഓപ്പണർ വൃദ്ധിമാൻ സാഹ, ശുഭ്മാൻ ഗിൽ, നായകൻ ഹാർദിക് പാണ്ഡ്യ എന്നിവർ തുടരെ വിക്കറ്റുകൾ നഷ്ടപ്പെടുത്തിയപ്പോൾ 54 റൺസ് മാത്രമായിരുന്നു ടൈറ്റൻസ് സ്കോർ ബോർഡിൽ ചേർത്തിരുന്നത്. മൂന്നാമനായി ഇറങ്ങിയ സായ് സുദർശൻ വിജയ് ശങ്കറെ കൂട്ടുപിടിച്ച് മുന്നേറുകയായിരുന്നു. ഇരുവരും ചേർന്ന് ടീം സ്‌കോർ 100 കടത്തി. 62 റൺസാണ് സായ് അടിച്ചെടുത്തത്. 

ഈ വാര്‍ത്ത കൂടി വായിക്കൂ

വെറും മൂന്ന് പന്ത്; രണ്ട് കൂറ്റന്‍ സിക്‌സുകള്‍; ചെപ്പോക്കിനെ ഇളക്കി മറിച്ച് ധോനി; അനുപമ നേട്ടം (വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ