നഗോയ: ഏഷ്യന് ഗെയിംസ് വനിതാ ക്രിക്കറ്റ് പോരാട്ടത്തിന്റെ സെമിയിലേക്ക് മുന്നേറാന് ഇന്ത്യക്ക് വേണ്ടത് വെറും 58 റണ്സ്. ആതിഥേയരായ ജപ്പാനെ ക്വാര്ട്ടറില് 19.5 ഓവറില് ഇന്ത്യ 57 റണ്സില് ഓള് ഔട്ടാക്കി.
ഇന്ത്യന് സ്പിന്നര്മാര്ക്ക് മുന്നില് ജപ്പാന് ബാറ്റിങ് നിരയ്ക്ക് കാര്യമായൊന്നും ചെയ്യാന് കഴിഞ്ഞില്ല. ഓപ്പണര്മാര് മാത്രമാണ് രണ്ടക്കം കടന്നത്. 25 റണ്സെടുത്ത 16കാരി അയക കാറ്റോ സ്റ്റാഫോര്ഡാണ് സ്കോര് 50 കടക്കുന്നതില് നിര്ണായകമായത്. സഹ ഓപ്പണര് ഹരുന ഇവാസാകിയാണ് രണ്ടക്കം കടന്ന മറ്റൊരാള്. താരം 10 റണ്സെടുത്തു. ജപ്പാന് ഇന്നിങ്സില് ആകെ പിറന്നത് 3 ഫോറുകള് മാത്രം.
ഏഷ്യാ കപ്പില് മിന്നും ഫോമില് പന്തെറിഞ്ഞ ശ്രീചരണിയാണ് ജപ്പാനെതിരെയും തിളങ്ങിയത്. താരം 4 ഓവറില് 10 റണ്സ് മാത്രം വഴങ്ങി 4 വിക്കറ്റുകള് വീഴ്ത്തി. ഷെഫാലി വര്മ 2 വിക്കറ്റും ശ്രേയങ്ക പാട്ടീല്, ദീപ്തി ശര്മ എന്നിവര് ഓരോ വിക്കറ്റും നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates