ന്യൂഡല്‍ഹി: ന്യൂസിലന്‍ഡിനെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു. ശുഭ്മാന്‍ ഗില്‍ ആണ് ക്യാപ്റ്റന്‍. രോഹിത് ശര്‍മയും വീരാട് കോഹ് ലിയും ടീമില്‍ ഉണ്ട്. പരിക്കിന് ശേഷം മടങ്ങിയെത്തിയ ശ്രേയസ് അയ്യരാണ് വൈസ് ക്യാപ്റ്റന്‍.

വാഷിങ് ടണ്‍ സുന്ദര്‍, രവീന്ദ്ര ജഡേജ, മുഹമ്മദ് സിറാജ്, ഹര്‍ഷിദ് റാണ, പ്രസിദ്ധ് കൃഷ്ണ, കുല്‍ദീപ് യാദവ്, ഋഷഭ് പന്ത്, നിതീഷ് കുമാര്‍ റെഡ്ഡി, ആര്‍ഷ്ദീപ് സിങ്. യശ്വസി ജയ്‌സ് വാള്‍ എന്നിവരാണ് ടീമില്‍ ഇടംപിടിച്ചത്. ഇന്ത്യന്‍ പേസര്‍ജസ്പ്രീത് ബുംറയ്ക്കും ഓള്‍റൗണ്ടര്‍ ഹര്‍ദിക് പാണ്ഡ്യയ്ക്കും വിശ്രമം അനുവദിച്ചു. മൂന്ന് മത്സരങ്ങളടങ്ങിയ പരമ്പരയിലെ ആദ്യ മത്സരം ഈ മാസം 11നു വഡോദരയില്‍ അരങ്ങേറും. രണ്ടാം പോരാട്ടം 14നു രാജ്കോട്ടിലും മൂന്നാം പോരാട്ടം 18നു ഇന്‍ഡോറിലും നടക്കും.

പിന്നാലെ കിവികള്‍ക്കെതിരെ ടി20 പരമ്പരയും ഇന്ത്യ കളിക്കുന്നുണ്ട്. അഞ്ച് മത്സരങ്ങളാണ് പരമ്പരയിലുള്ളത്. ഈ പരമ്പരയ്ക്കുള്ള ടീമിനെ നേരത്തെ തന്നെ പ്രഖ്യാപിച്ചിരുന്നു. ലോകകപ്പിനുള്ള ടീമാണ് പരമ്പരയില്‍ കളിക്കുന്നത്. കാരണം ഈ പരമ്പരയ്ക്കു പിന്നാലെ അടുത്ത മാസമാണ് ഇന്ത്യയിലും ശ്രീലങ്കയിലുമായി അരങ്ങേറുന്ന ടി20 ലോകകപ്പ്.