ചെന്നൈ: ഐപിഎല്ലില് അര്ധ സെഞ്ച്വറിക്കരികെ വീണ് സഞ്ജു സാംസണ്. ചെന്നൈ സൂപ്പര് കിങ്സ്- കൊല്ക്കത്ത നൈറ്റ്റൈഡേഴ്സ് പോരാട്ടത്തില് സഞ്ജു 32 പന്തില് 3 സിക്സും 4 ഫോറും സഹിതം 48 റണ്സെടുത്തു മടങ്ങി. ഹാട്രിക്ക് ഫോറടിച്ച് കത്തുന്ന ആത്മവിശ്വാസത്തോടെയാണ് താരം തുടക്കമിട്ടത്. കാര്ത്തിക് ത്യാഗിയുടെ പന്തില് സഞ്ജു ക്ലീന് ബൗള്ഡായി മടങ്ങി.
ടോസ് നേടി കെകെആര് ബൗളിങ് തിരഞ്ഞെടുക്കുകയായിരുന്നു. സഞ്ജു മികച്ച തുടക്കമാണ് ടീമിനു നല്കിയത്. എന്നാല് ക്യാപ്റ്റന് ഋതുരാജ് ഗെയ്ക്വാദ് വീണ്ടും പരാജയമായി. താരം 6 പന്തില് 7 റണ്സുമായി പുറത്തായി.
കഴിഞ്ഞ കളിയില് തിളങ്ങിയ സഞ്ജു- ആയുഷ് മാത്രെ സഖ്യം ഇത്തവണയും തിളങ്ങി. ഇരുവരും ചേര്ന്നു അതിവേഗം സ്കോര് മുന്നോട്ടു കൊണ്ടു പോയി. പവര്പ്ലേയുടെ അവസാനത്തില് ആയുഷും പുറത്തായി. താരം 17 പന്തില് 6 ഫോറും 2 സിക്സും സഹിതം 38 റണ്സ് അടിച്ചാണ് മടങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates