ലണ്ടന്‍: ഇംഗ്ലണ്ടിനെതിരായ ടെസ്റ്റ് പരമ്പരയ്ക്ക് മുന്നോടിയായി ഇന്‍ട്രാ സ്‌ക്വാഡ് സന്നാഹ മത്സരത്തില്‍ സര്‍ഫറാസ് ഖാന് ( Sarfaraz Khan ) തകര്‍പ്പന്‍ സെഞ്ച്വറി. കെന്റിലെ ബെക്കിങ്ഹാം മൈതാനത്ത് നടന്ന ഇന്ത്യന്‍ സീനിയര്‍ ടീമും ഇന്ത്യ എ ടീമും തമ്മിലുള്ള മത്സരത്തിലാണ് സര്‍ഫറാസിന്റെ തകര്‍പ്പന്‍ സെഞ്ച്വറി. ഇന്ത്യ എ താരമായ സര്‍ഫറാസ് 76 പന്തില്‍ 101 റണ്‍സെടുത്തു. ഇതില്‍ 15 ഫോറും രണ്ടു സിക്‌സും ഉള്‍പ്പെടുന്നു.
ഇംഗ്ലണ്ടിനെതിരായ പരമ്പരയില്‍ സീനിയര്‍ ടീമില്‍ നിന്നും സര്‍ഫറാസ് ഖാനെ ഒഴിവാക്കിയിരുന്നു. ഇന്ത്യന്‍ ചീഫ് സെലക്ടര്‍ അജിത് അഗാര്‍ക്കര്‍, നാഷണല്‍ ക്രിക്കറ്റ് അക്കാദമി ചീഫ് വി വി എസ് ലക്ഷ്മണ്‍ എന്നിവരുടെ മുന്നില്‍ വെച്ചായിരുന്നു സര്‍ഫറാസിന്റെ ബാറ്റിങ്ങ്. ഇന്ത്യയ്ക്കു വേണ്ടി ആറു ടെസ്റ്റുകള്‍ കളിച്ച സര്‍ഫറാസ് ഖാന് 371 റണ്‍സ് നേടിയിട്ടുണ്ട്.
ഇന്ത്യ എയ്ക്കു വേണ്ടി അഭിമന്യു ഈശ്വരന്‍ 39 റണ്‍സ്, സായ് സുദര്‍ശന്‍ 38 റണ്‍സ്, ഇഷാന്‍ കിഷന്‍ 55 പന്തില്‍ 45 റണ്‍സ് എന്നിങ്ങനെ നേടി. വാഷിങ്ടണ്‍ സുന്ദര്‍ 35 റണ്‍സെടുത്തു. ഇന്ത്യ എ ടീം നായകന്‍ ഃതുരാജ് ഗെയ്ക്‌വാദ് പൂജ്യത്തിന് പുറത്തായി. ആദ്യദിനം ബാറ്റുചെയ്ത ഇന്ത്യന്‍ സീനിയര്‍ ടീമിന് വേണ്ടി ക്യാപ്റ്റന്‍ ശുഭ്മാന്‍ ഗില്ലും കെഎല്‍ രാഹുലും അര്‍ധസെഞ്ച്വറി നേടിയിരുന്നു. ഇംഗ്ലണ്ടിനെതിരായ ടെസ്റ്റ് പരമ്പര ഈ മാസം 20 ന് ആരംഭിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates