ഇന്ത്യയും ന്യൂസിലൻഡും തമ്മിൽ സ്വതന്ത്ര വ്യാപാര കരാർ (FTA) ഒപ്പുവെച്ചതോടെ രാജ്യത്തെ വിദ്യാർഥികൾക്കും യുവ പ്രൊഫഷണലുകൾക്കും വലിയ അവസരമാണ് ലഭിക്കുന്നത്. കൂടുതൽ തൊഴിൽ അവകാശങ്ങൾ, വിസ ലഭ്യത, പഠനം കഴിഞ്ഞുള്ള ദീർഘകാല താമസാനുമതി എന്നിവയാണ് അതിൽ പ്രധാനപ്പെട്ടവ.
ഈ കരാറിലെ പ്രധാന ആകർഷണം ''സ്റ്റുഡന്റ് മൊബിലിറ്റി ആൻഡ് പോസ്റ്റ് സ്റ്റഡി വർക്ക് വിസ” എന്ന വ്യവസ്ഥയാണ്. ഇതിലൂടെ ഉന്നത വിദ്യാഭ്യാസത്തിനായി ന്യൂസിലൻഡിലേക്ക് പോകുന്ന ഇന്ത്യൻ വിദ്യാർഥികൾക്ക് പഠനശേഷം അവിടെ ജോലി ചെയ്യാൻ കൂടുതൽ അവസരം ലഭിക്കും. ന്യൂസിലൻഡ് ആദ്യമായാണ് ഇത്തരം കരാർ ഒരു രാജ്യവുമായി ഒപ്പ് വെക്കുന്നത് എന്ന പ്രത്യേകതയുമുണ്ട്.
1. പഠനകാലത്തെ ജോലി സമയം
വിദ്യാർഥികൾക്ക് പഠനത്തോടൊപ്പം ആഴ്ചയിൽ 20 മണിക്കൂർ വരെ ജോലി ചെയ്യാനുള്ള അനുമതി ഈ കരാർ ഉറപ്പാക്കുന്നു. ഭാവിയിൽ ന്യൂസിലൻഡ് അവരുടെ ഇമിഗ്രേഷൻ നിയമങ്ങളിൽ മാറ്റം വരുത്തിയാൽ പോലും ഈ ആനുകൂല്യം ഇന്ത്യൻ വിദ്യാർഥികൾക്ക് ലഭിക്കുമെന്ന് കരാർ ഉറപ്പുനൽകുന്നു.
പഠനം പൂർത്തിയാക്കിയ ശേഷം ന്യൂസിലൻഡിൽ തന്നെ താമസിച്ച് തൊഴിൽ പരിചയം നേടാൻ ഇനി മുതൽ കൂടുതൽ സമയം ലഭിക്കും
STEM ബിരുദധാരികൾക്ക്: 3 വർഷം വരെ.
മാസ്റ്റേഴ്സ് ബിരുദധാരികൾക്ക്: 3 വർഷം വരെ.
പിഎച്ച്ഡി (PhD) എടുത്തവർക്ക്: 4 വർഷം വരെ.
കരാർ പ്രകാരം ഓരോ വർഷവും 1,000 ഇന്ത്യൻ യുവാക്കൾക്ക് 'വർക്കിങ് ഹോളിഡേ വിസ' നൽകും. ഇത് ഉപയോഗിച്ച് ഒരു വർഷം വരെ ന്യൂസിലൻഡിൽ താമസിക്കാനും യാത്ര ചെയ്യാനും ഒപ്പം ജോലി ചെയ്യാനും സാധിക്കും.
വിവിധ മേഖലകളിൽ വൈദഗ്ധ്യമുള്ള ഇന്ത്യൻ പൗരന്മാർക്കായി വർഷം തോറും 5,000 വിസകൾ മാറ്റി വെക്കും. പ്രധാനമായും താഴെ പറയുന്ന മേഖലകളിലുള്ളവർക്കാണ് മുൻഗണന:
ഐടി (IT), എഞ്ചിനീയറിംഗ്.
ഹെൽത്ത് കെയർ, വിദ്യാഭ്യാസം.
ഇന്ത്യൻ ഷെഫുമാർ, യോഗ ഇൻസ്ട്രക്ടർമാർ, ആയുഷ് (AYUSH) പ്രാക്ടീഷണർമാർ.
പഠനത്തിനൊപ്പം തന്നെ തൊഴിൽപരമായ വളർച്ചയും ആഗ്രഹിക്കുന്ന ഇന്ത്യൻ യുവാക്കൾക്ക് മികച്ച അവസരമാണ് ഈ സ്വതന്ത്ര വ്യാപാര കരാറിലൂടെ ലഭിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
