വിക്രം സാരാഭായി സ്പേസ് സെന്ററിൽ ഡോക്ടർമാർക്ക് അവസരം; അഭിമുഖത്തിലൂടെ നിയമനം

ഐ.എസ്.ആർ.ഒ (ISRO)യുടെ കീഴിൽ പ്രവർത്തിക്കുന്ന വിക്രം സാരാഭായി സ്പേസ് സെന്റർ (VSSC) കരാർ അടിസ്ഥാനത്തിൽ ഡോക്ടർമാരെ നിയമിക്കുന്നു. മെഡിക്കൽ ഓഫീസർ (ആലോപ്പതി) തസ്തികയിലാണ് നിയമനം. അപേക്ഷകൾ ജൂലൈ 8 വരെ സമർപ്പിക്കാം.

യോഗ്യത

എംബിബിഎസ് ബിരുദവും ബന്ധപ്പെട്ട മെഡിക്കൽ കൗൺസിലിൽ രജിസ്ട്രേഷനും ഉള്ളവർക്ക് അപേക്ഷിക്കാം. രജിസ്ട്രേഷൻ നേടിയ ശേഷം കുറഞ്ഞത് 2 വർഷത്തെ ക്ലിനിക്കൽ പ്രവൃത്തി പരിചയം ആവശ്യമാണ്

ജോലി ചുമതലകൾ

CHSS ഗുണഭോക്താക്കൾക്ക് ചികിത്സ നൽകുക എന്നതാണ് പ്രധാന ചുമതല. കൊല്ലം, പോളയത്തോട് പ്രദേശത്തായിരിക്കും ജോലി സ്ഥലം.

കരാർ കാലാവധി

ആദ്യമായി 6 മാസത്തേക്കാണ് നിയമനം. പ്രവർത്തനക്ഷമതയും സ്ഥാപനത്തിന്റെ ആവശ്യകതയും അനുസരിച്ച് പരസ്പര സമ്മതപ്രകാരം കാലാവധി നീട്ടാം.

ജോലി സ്ഥലം

• പോളയത്തോട്, കൊല്ലം

• രോഗികളെ പരിശോധിക്കാൻ അനുയോജ്യമായ ക്ലിനിക്/കൺസൾട്ടേഷൻ റൂം ഉണ്ടായിരിക്കണം

ശമ്പളം

പ്രതിമാസ വേതനം 12,000 രൂപ മുതൽ 54,000 രൂപ വരെ ലഭിക്കും. രോഗികളുടെ എണ്ണം, ജോലിഭാരം എന്നിവയെ അടിസ്ഥാനമാക്കിയാണ് വേതനം നിശ്ചയിക്കുന്നത്

തെരഞ്ഞെടുപ്പ് രീതി

വ്യക്തിഗത അഭിമുഖം കൂടാതെ കൺസൾട്ടേഷൻ റൂം ഇൻസ്പെക്ഷൻ എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. ഉദ്യോഗാർത്ഥിയുടെ യോഗ്യത, പരിചയം, ക്ലിനിക്കൽ കഴിവ് എന്നിവ വിലയിരുത്തുന്നതിനായി പ്രത്യേകം അഭിമുഖം നടത്തും. കൂടാതെ അപേക്ഷകന്റെ കൺസൾട്ടേഷൻ റൂമിന്റെ സൗകര്യങ്ങൾ, അടിസ്ഥാന സൗകര്യങ്ങൾ എന്നിവയും പരിശോധനയ്ക്ക് വിധേയമാക്കും.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.vssc.gov.in/assets/img/PDF/Recruitment/Advertisement_25062026.pdf