RCC Careers: തിരുവനന്തപുരത്ത് ഡയാലിസിസ് ടെക്നീഷ്യൻ ഒഴിവുകൾ; ദിവസ വേതനം 1,700 രൂപ

തിരുവനന്തപുരം റീജിയണൽ കാൻസർ സെന്ററിൽ (RCC) ശിശു ഓങ്കോളജി വിഭാഗത്തിലെ Continuous Renal Replacement Therapy (CRRT) പദ്ധതിയിലേക്ക് ഡയാലിസിസ് ടെക്നീഷ്യൻ (CRRT)മാരെ നിയമിക്കുന്നു. ടാറ്റയുടെ സി.എസ്.ആർ ഫണ്ടിന്റെ പിന്തുണയോടെയാണ് പദ്ധതി നടപ്പിലാക്കുന്നത്. കുറഞ്ഞത് അഞ്ച് ഡയാലിസിസ് ടെക്നീഷ്യൻമാരുടെ പാനൽ തയ്യാറാക്കുന്നതിനായാണ് അപേക്ഷ ക്ഷണിച്ചിരിക്കുന്നത്. അപേക്ഷകൾ സമർപ്പിക്കേണ്ട അവസാന തീയതി ജൂലൈ 27.

വിദ്യാഭ്യാസ യോഗ്യത

• അംഗീകൃത സ്ഥാപനത്തിൽ നിന്ന് ഡിപ്ലോമ അല്ലെങ്കിൽ ഡിഗ്രി ഇൻ ഡയാലിസിസ് ടെക്നോളജി ഉണ്ടായിരിക്കണം.

• തീവ്രപരിചരണ വിഭാഗത്തിൽ (ICU) Continuous Renal Replacement Therapy (CRRT) കൈകാര്യം ചെയ്ത പ്രവൃത്തിപരിചയം ആവശ്യമാണ്.

• ശിശുരോഗ പരിചരണ രംഗത്തെ പരിചയം അഭികാമ്യമാണ്.

പ്രായപരിധി

2026 ജൂലൈ 1 അടിസ്ഥാനമാക്കി 40 വയസ്സ്. അർഹരായ സംവരണ വിഭാഗങ്ങൾക്ക് സർക്കാർ ചട്ടപ്രകാരമുള്ള വയസിളവ് ലഭിക്കും.

ശമ്പളം

8 മണിക്കൂർ വീതമുള്ള ഓരോ ഡ്യൂട്ടി സെഷനും ₹1,700 പ്രതിഫലം ലഭിക്കും.

നിയമന കാലാവധി

ആദ്യഘട്ടത്തിൽ ഒരു വർഷത്തേക്കോ പദ്ധതി പൂർത്തിയാകുന്നതുവരെയോ (ഏതാണ് ആദ്യം) നിയമനം ഉണ്ടായിരിക്കും. പദ്ധതിയുടെ ആവശ്യകതയും ഉദ്യോഗാർഥിയുടെ പ്രവർത്തന മികവും അനുസരിച്ച് കാലാവധി ദീർഘിപ്പിച്ചേക്കാം.

ജോലിയുടെ സ്വഭാവം

CRRT സേവനങ്ങൾ 2–3 ദിവസം തുടർച്ചയായി ആവശ്യമായി വരാം. തിരഞ്ഞെടുക്കപ്പെടുന്ന ഡയാലിസിസ് ടെക്നീഷ്യൻമാർ 24 മണിക്കൂറും ഷിഫ്റ്റ് അടിസ്ഥാനത്തിൽ ആവശ്യാനുസരണം ജോലി ചെയ്യേണ്ടി വരും

അപേക്ഷിക്കേണ്ട വിധം

ബയോഡാറ്റ സഹിതമുള്ള അപേക്ഷ ''ഫിനാൻസ് മാനേജർ, പ്രോജക്ട് സെൽ, റീജിയണൽ കാൻസർ സെന്റർ, മെഡിക്കൽ കോളേജ് ക്യാമ്പസ്, പോസ്റ്റ് ബോക്സ് നമ്പർ 2417, തിരുവനന്തപുരം – 695011'' എന്ന വിലാസത്തിലേക്ക് അയയ്ക്കണം.

അപേക്ഷയിൽ പരസ്യ നമ്പർ, പേര്, പ്രായം, വിദ്യാഭ്യാസ യോഗ്യത, പ്രവൃത്തിപരിചയം (ഉണ്ടെങ്കിൽ), ഫോൺ നമ്പർ, ഇ-മെയിൽ വിലാസം എന്നിവ രേഖപ്പെടുത്തണം.

യോഗ്യതാ സർട്ടിഫിക്കറ്റുകളുടെയും മാർക്ക് ലിസ്റ്റുകളുടെയും സ്വയം സാക്ഷ്യപ്പെടുത്തിയ പകർപ്പുകളും അടുത്തിടെ എടുത്ത പാസ്‌പോർട്ട് സൈസ് ഫോട്ടോയും ഉൾപ്പെടുത്തണം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.rcctvm.gov.in/uploads/Downloadtemsuppy.pdf