താരൻ അകറ്റാൻ കറിവേപ്പില, വീട്ടിൽ തന്നെ ചെയ്യാവുന്ന ഹെയർ മാസ്ക്

കറിവേപ്പില മുടിയുടെ ആരോ​ഗ്യത്തിന് വളരെ മികച്ചൊരു ചേരുവയാണെന്ന് പഴമക്കാർ പറയാറുണ്ട്. എണ്ണ കാച്ചുമ്പോഴും കരിവേപ്പില പ്രധാനമാണ്. ഇതിൽ അടങ്ങിയ വിറ്റാമിൻ സി, ബി, പ്രോട്ടീനുകൾ, ആന്റിഓക്സിഡന്റുകൾ തുടങ്ങിയ പോഷകങ്ങൾ മുടി തിളക്കമുള്ളതും കരുള്ളതുമാക്കും.

ആരോ​ഗ്യ വാർത്തകൾ കൂടുതൽ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

മാത്രമല്ല, താരന്റെ ശല്യം രൂക്ഷമായവർക്കും കറിവേപ്പില വലിയൊരു ആശ്വസമാണ്. ഇതിൽ ആന്റിഇൻഫ്ലമേറ്ററി, ആന്റി ബാക്ടീരിയൽ ​ഗുണങ്ങളുണ്ട്. ഇത് താരൻ കുറയ്ക്കാൻ സഹായിക്കും.

താരൻ മാറാൻ കറിവേപ്പിലയും തൈരും

15-20 വരെ കറിവേപ്പില നന്നായി കഴുകി അരച്ചെടുക്കണം. ഇതിലേക്ക് അൽപം തൈര് കൂടി മിക്സ് ചെയ്ത് തലയിൽ തേച്ച് പിടിപ്പിക്കണം. കുറഞ്ഞത് ഒരു മണിക്കൂറെങ്കിലും ഇത്തരത്തിൽ വയ്ക്കുക. അതിന് ശേഷം കഴുകി കളയാം. ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്യുന്നത് ഫലപ്രദമാണ്.

കറിവേപ്പിലയും തേനും

കറിവേപ്പിലയും തേനും ചേർത്ത് ഉപയോ​ഗിക്കുന്നത് താരൻ അകറ്റാൻ നല്ലതാണ്. 15-20 വരെ കറിവേപ്പില നന്നായി കഴുകിയെടുത്ത ശേഷം അരച്ച് പേസ്റ്റ് രൂപത്തിലാക്കുക. ശേഷം തേൻ ചേർത്ത് നന്നായി യോജിപ്പിക്കുക. ഇനി ഇതി സ്കാൽപ്പിൽ പുരട്ടാം. 15 മിനിറ്റിന് ശേഷം കഴുകി കളയാം. ആഴ്ചയിൽ രണ്ട് തവണ ഈ ഹെയർമാസ്ക് ഉപയോ​ഗിക്കുന്നത് ഫലപ്രദമാണ്.

വെളിച്ചെണ്ണയും കറിവേപ്പിലയും

ഒരു പാനിൽ അൽപം വെളിച്ചെണ്ണ എടുത്ത് അതിൽ പത്തോ ഇരുപതോ കറിവേപ്പില ചേർക്കുക. ശേഷം നന്നായി ചൂടാക്കുക. എണ്ണ തണുത്തതിന് ശേഷം തലയിൽ പുരട്ടി മസാജ് ചെയ്യുക. ഏകദേശം 10 മിനിറ്റ് മസാജ് ചെയ്യുക. തുടർന്ന് ഒരു മണിക്കൂറിന് ശേഷം ഷാംപൂ ഉപയോഗിച്ച് തല കഴുകുക. ഇത് ആഴ്ചയിൽ മൂന്നോ നാലോ തവണ ഉപയോഗിക്കാം.