കൊച്ചി: യുവനടിയെ ബലാത്സംഗം ചെയ്ത കേസിലെ പ്രതിയായ നടന് വിജയ് ബാബു ബുധനാഴ്ചയെത്തും. വിജയ് ബാബു ബുധനാഴ്ച പുലര്ച്ചെയുള്ള ദുബായ്-കൊച്ചി വിമാനത്തില് ടിക്കറ്റെടുത്തു. കേസില് വിജയ് ബാബുവിന്റെ മുന്കൂര് ജാമ്യാപേക്ഷ പരിഗണിക്കുന്നത് ഹൈക്കോടതി നാളത്തേക്ക് മാറ്റി.
ഇന്നു പുലര്ച്ചെ 3.20 ന് പുറപ്പെട്ട് രാവിലെ ഒമ്പതുമണിയോടെ കൊച്ചിയിലെത്തുന്ന രീതിയിലായിരുന്നു നേരത്തെ വിജയ് ബാബു വിമാന ടിക്കറ്റെടുത്തിരുന്നത്. ഈ ടിക്കറ്റാണ് കോടതിയില് ഹാജരാക്കിയത്. എന്നാല് ഈ ടിക്കറ്റ് റദ്ദാക്കിയെന്നാണ് പൊലീസ് അറിയിച്ചത്.
എന്നാല് ടിക്കറ്റ് റദ്ദാക്കുന്നതിന് പകരം യാത്രാതീയതി മാറ്റുകയാണ് ചെയ്തതെന്നാണ് ഒടുവില് ലഭിക്കുന്ന വിവരം. എമിറേറ്റ് എയര്ലൈന്സ് വിമാനത്തില് ബുധനാഴ്ച രാവിലെ എത്തുമെന്നാണ് പുതിയ റിപ്പോര്ട്ടുകള്. ഇതുസംബന്ധിച്ച രേഖകള് വിജയ് ബാബുവിന്റെ അഭിഭാഷകന് കോടതിയില് സമര്പ്പിച്ചു.
ഈ വാര്ത്ത കൂടി വായിക്കാം പബ്ജി കളിക്കാന് ഫോണ് വാങ്ങി നല്കിയില്ല; പത്താംക്ലാസ് വിദ്യാർത്ഥി ജീവനൊടുക്കി
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ