അലിഗാര്‍ഹ്: വിവാഹിതനായി മണിക്കൂറുകള്‍ക്കകം നവവരനെ സുഹൃത്തുക്കള്‍ ചേര്‍ന്ന് കൊലപ്പെടുത്തി. സുഹൃത്തുക്കള്‍ കുടുതല്‍ മദ്യം ആവശ്യപ്പെട്ടപ്പോള്‍ നിഷേധിച്ചതിലെ വൈരാഗ്യമാണ് കൊലപാതകത്തില്‍ കലാശിച്ചത്. യുപിയിലെ അലിഗാര്‍ഹിന് സമീപമുള്ള ഗ്രാമത്തിലാണ് സംഭവം. 28കാരനായ ബാബ്ലു എന്നയാളാണ് മരിച്ചത്.
വിവാഹശേഷം സുഹൃത്തുക്കളെ സന്ദര്‍ശിക്കാന്‍ എത്തിയതായിരുന്നു ബാബ്ലു. മദ്യലഹരിയിലായിരുന്ന സുഹൃത്തുക്കള്‍ വരനോട് കൂടുതല്‍ മദ്യം എത്തിച്ചുനല്‍കാന്‍ ആവശ്യപ്പെട്ടു. മദ്യം ലഭിക്കാനുള്ള ബുദ്ധിമുട്ട് അറിയിച്ചെങ്കിലും സുഹൃത്തുക്കള്‍ തര്‍ക്കിക്കുകയിരുന്നു. വാക്കേറ്റം ഒടുവില്‍ ബാബ്ലുവിന്റെ കൊലപാതകത്തിലാണ് കലാശിച്ചത്. യുവാവിനെ ഉടന്‍ ആശുപത്രിയിലെത്തിച്ചെങ്കിലും ആഴത്തില്‍ മുറിവേറ്റിരുന്നതിനാല്‍ ജീവന്‍ രക്ഷിക്കാനായില്ല.
സംഭവത്തില്‍ പ്രധാന പ്രതിയായ രാംഖിലാഡി എന്നയാളെ അറസ്റ്റ് ചെയ്തതായി പൊലീസ് പറഞ്ഞു. കേസിലെ മറ്റ് അഞ്ച് പ്രതികള്‍ ഒളിവിലാണ്. ഇവര്‍ക്കായി അന്വേഷണം ആരംഭിച്ചെന്നും ഉടന്‍ പിടിയിലാകുമെന്നും അന്വേഷണ ഉദ്യോഗസ്ഥര്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
