സംസ്ഥാനത്ത് 14 ശതമാനം മഴ കുറവ്; പെയ്തത് 126 സെന്റിമീറ്റര്‍

തിരുവനന്തപുരം: സംസ്ഥാനത്ത് മഴ കുറഞ്ഞതോടെ താപനിലയില്‍ നേരിയ വര്‍ധന. ബുധനാഴ്ച ഏറ്റവും കൂടിയ ചൂട് 31.4 ഡിഗ്രി സെല്‍ഷ്യസ് കോഴിക്കോട് നഗരത്തില്‍ രേഖപ്പെടുത്തി. 

ഇന്നുരാത്രി 11.30 വരെ 3.8 മീറ്റര്‍ വരെ ഉയരത്തില്‍ തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം അറിയിച്ചു. 

സംസ്ഥാനത്ത് ജൂണ്‍ ഒന്നു മുതല്‍ ഓഗസ്റ്റ് 10 വരെ കാലവര്‍ഷത്തില്‍ 14 ശതമാനം മാത്രമാണ് കുറഞ്ഞത്. സാധാരണ ഈ കാലയളവില്‍ 148.08 സെന്റിമീറ്റര്‍ മഴ പെയ്യേണ്ട സ്ഥാനത്ത് 126.61 സെന്റിമീറ്റര്‍ മഴയാണ് പെയ്തത്. 

തിരുവനന്തപുരം, പത്തനംതിട്ട, കോഴിക്കോട്, ആലപ്പുഴ ജില്ലകളില്‍ ഒഴികെ സാധാരണ തോതില്‍ മഴ ലഭിച്ചതായാണ് കാലാവസ്ഥ വകുപ്പിന്റെ വിലയിരുത്തല്‍. മഴ മാറിയതോടെ പെരിയാറിലും ജലനിരപ്പ് താഴുകയാണ്.

ഈ വാര്‍ത്ത കൂടി വായിക്കൂ

'അല്‍പ്പം ശ്രദ്ധിക്കൂ, ജീവിതശൈലി രോഗങ്ങള്‍ ചെറുക്കാം'; ബിഎംഐ യൂണിറ്റ് ആരംഭിച്ചു

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ