സ്കൂളിൽ നിന്ന് മടങ്ങിയെത്തിയ പത്താം ക്ലാസുകാരി വീടിനുള്ളിൽ മരിച്ച നിലയിൽ

തിരുവനന്തപുരം; സ്കൂളിൽ പോയി മടങ്ങിയെത്തിയ പത്താം ക്ലാസ് വിദ്യാർത്ഥിനി വീടിനുള്ളിൽ മരിച്ച നിലയിൽ. മണക്കാട് ​ഗവൺമെന്റ് ​ഗേൾസ് ഹയർസെക്കൻഡറി വിദ്യാർത്ഥിനിയായ എസ്ആർ ആദിത്യയെയാണ് തൂങ്ങി മരിച്ച നിലയിൽ കണ്ടെത്തിയത്. കുട്ടിയുടെ ആത്മഹത്യ കുറിപ്പും കണ്ടെത്തി. 

പരീക്ഷയിൽ മികച്ച നേട്ടമുണ്ടാക്കാനാവില്ലെന്ന ആശങ്കയിലാണ് മരിക്കുന്നതെന്നാണ് കുറിപ്പിൽ പറയുന്നത്. ആറ്റുകാൽ പുത്തൻകോട്ട കാർത്തികയിൽ സജീവിന്റേയും രജിതയുടേയും മകളാണ്. സ്റ്റുഡന്റ്സ് പൊലീസ് കേഡറ്റ് അം​ഗമായിരുന്ന ആദിത്യ പഠനത്തിലും മിടുക്കിയായിരുന്നു. എട്ടു മാസത്തിന് ശേഷം ഇന്നലെയാണ് കേരളത്തിലെ സ്കൂളുകൾ തുറന്നത്. പൊതു പരീക്ഷയ്ക്കു വേണ്ടിയുള്ള റിവിഷനുവേണ്ടിയാണ് സ്കൂളുകൾ തുറന്നത്.