ശ്രീനിവാസന് ആദരാഞ്ജലി അർപ്പിച്ച് കേരളം, വയനാട് കടുവ ആക്രമണത്തിൽ ഒരാൾ മരിച്ചു, സഞ്ജു ലോകകപ്പ് ടീമിൽ; ഇന്നത്തെ അഞ്ചു പ്രധാന വാർത്തകൾ

നടന്‍ ശ്രീനിവാസന് വിട നല്‍കി കൊച്ചി നഗരം. എറണാകുളം ടൗണ്‍ ഹാളിലെ പൊതുദര്‍ശനം പൂര്‍ത്തിയാക്കി ശ്രീനിവാസന്റെ മൃതദേഹം ഉദയംപേരൂരിലെ വീട്ടിലേക്ക് സ്വനവസതിയിലേക്ക് കൊണ്ടുപോയി. സിനിമ, രാഷ്ട്രീയ മേഖലയിലെ പ്രമുഖകരും, പൊതുജനങ്ങളും എറണാകുളം ടൗണ്‍ ഹാളില്‍ ശ്രീനിവാസന് ആദരാഞ്ജലി അര്‍പ്പിക്കാനായി എത്തിയിരുന്നു. ഇതടക്കം അഞ്ചുവാർത്തകൾ ചുവടെ:

നടന്‍ ശ്രീനിവാസന് വിട നല്‍കി കൊച്ചി നഗരം. എറണാകുളം ടൗണ്‍ ഹാളിലെ പൊതുദര്‍ശനം പൂര്‍ത്തിയാക്കി ശ്രീനിവാസന്റെ മൃതദേഹം ഉദയംപേരൂരിലെ വീട്ടിലേക്ക് സ്വനവസതിയിലേക്ക് കൊണ്ടുപോയി. സിനിമ, രാഷ്ട്രീയ മേഖലയിലെ പ്രമുഖകരും, പൊതുജനങ്ങളും എറണാകുളം ടൗണ്‍ ഹാളില്‍ ശ്രീനിവാസന് ആദരാഞ്ജലി അര്‍പ്പിക്കാനായി എത്തിയിരുന്നു

മലയാള സിനിമയിലെ സാധാരണക്കാരന്റെ പ്രതിനിധിയായിരുന്നു ശ്രീനിവാസന്‍. താരശരീരത്തിന്റെ ചട്ടക്കൂടുകള്‍ക്ക് വഴങ്ങാത്ത ശ്രീനി പറഞ്ഞത് മധ്യവര്‍ഗ മലയാളിയുടെ ആകുലതകളും കോംപ്ലക്‌സുകളുമായിരുന്നു. അരാഷ്ട്രീയവാദിയെന്ന് വിമര്‍ശിക്കുന്നവര്‍ക്ക് പോലും ശ്രീനിവാസന്റെ സിനിമകളുമായി റിലേറ്റ് ചെയ്യാന്‍ സാധിക്കും

വയനാട് പുല്‍പ്പള്ളിയില്‍ കടുവ ആക്രമണത്തില്‍ ഒരാള്‍ മരിച്ചു. ദേവര്‍ഗദ്ധ ഉന്നതിയിലെ കൂമനാണ് മരിച്ചത്. പുഴയോരത്ത് വച്ച് കടുവ പിടികൂടി വനമേഖലയിലേക്ക് വലിച്ചിഴച്ചു കൊണ്ടുപോകുകയായിരുന്നുവെന്നാണ് റിപ്പോര്‍ട്ടുകള്‍.

 ലൈംഗികാതിക്രമക്കേസില്‍ പ്രതിയായ ചലച്ചിത്ര സംവിധായകന്‍ പി ടി കുഞ്ഞുമുഹമ്മദിന് മുന്‍കൂര്‍ ജാമ്യം. കര്‍ശന ഉപാധികളോടെയാണ് ജാമ്യം അനുവദിച്ചിരിക്കുന്നത്. അന്വേഷണ ഉദ്യോഗസ്ഥന് മുന്നില്‍ ഹാജരാകണം എന്നും കോടതി നിര്‍ദേശിച്ചു. കേസില്‍ അറസ്റ്റ് ചെയ്യേണ്ട നിലയുണ്ടായാല്‍ ജാമ്യത്തില്‍ വിട്ടയക്കണം എന്നും അഡീഷനല്‍ സെഷന്‍സ് കോടതി അറിയിച്ചു.

 ടി20 ലോകകപ്പിനുള്ള ഇന്ത്യന്‍ ക്രിക്കറ്റ് ടീമിനെ പ്രഖ്യാപിച്ചു. മലയാളി താരം സഞ്ജു സാംസണെ ടീമില്‍ നിലനിര്‍ത്തി. ബിസിസിഐ ആസ്ഥാനത്തു നടന്ന വാര്‍ത്താ സമ്മേളനത്തിലാണ് ടീമിനെ പ്രഖ്യാപിച്ചത്.