കോവിഡ് ബാധിച്ച് മരിച്ചവരുടെ കുടുംബങ്ങള്‍ക്ക് സാമ്പത്തിക സഹായം; പ്രതിമാസം 5000 രൂപ വീതം; 9.96 കോടി അനുവദിച്ചു

തിരുവനന്തപുരം: കോവിഡ് ബാധിച്ച് മരിച്ചവരുടെ കുടുംബങ്ങള്‍ക്ക് കരുതലുമായി സര്‍ക്കാര്‍. കോവിഡ് ബാധിച്ച് മരിച്ചവരുടെ കുടുംബങ്ങള്‍ക്ക് സാമ്പത്തിക സഹായമായി മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് 9.96 കോടി അനുവദിച്ചു.

കോവിഡ് മൂലം കുടുംബനാഥന്‍ അല്ലെങ്കില്‍ മാതാപിതാക്കള്‍ നഷ്ടപ്പെട്ട് കടുത്ത സാമ്പത്തിക പ്രതിസന്ധിയിലായ ബിപിഎല്‍ വിഭാഗത്തില്‍പ്പെട്ട കുടുംബങ്ങള്‍ക്ക് പ്രതിമാസം 5,000 രൂപ വീതം നല്‍കുന്ന പദ്ധതിയിലേക്കാണ് തുക അനുവദിച്ചിരിക്കുന്നത്.

അര്‍ഹരായ കുടുംബങ്ങളുടെ ബാങ്ക് അക്കൗണ്ടുകളിലേക്ക് നേരിട്ട് പണം എത്തും. അര്‍ഹരായ ദാരിദ്ര്യരേഖയ്ക്ക് താഴെയുള്ള ( ബിപിഎല്‍) കുടുംബങ്ങള്‍ക്ക് തുടര്‍ച്ചയായി മൂന്ന് വര്‍ഷത്തേക്കാണ് ഈ ധനസഹായം ലഭിക്കുക.