കൊട്ടിയൂർ പഞ്ചായത്തിൽ ഇന്ന് ഹർത്താൽ 

കണ്ണൂര്‍: കണ്ണൂർ കൊട്ടിയൂർ പഞ്ചായത്തിൽ ബിജെപി ഇന്ന് ഹർത്താൽ ആചരിക്കുന്നു. രാവിലെ ആറ് മണി മുതൽ വൈകിട്ടു ആറ് വരെയാണ് ഹർത്താൽ. ബിജെപി പ്രവർത്തകരെയും ഓഫിസുകളെയും സിപിഎം ആക്രമിച്ചെന്ന് ആരോപിച്ചാണ് ഹർത്താൽ. 

കഴിഞ്ഞദിവസം രാത്രി മേഖലയിൽ ബിജെപി- സിപിഎം സംഘർഷമുണ്ടായിരുന്നു. സംഘർഷത്തിൽ നാല് ഡി.വൈ.എഫ്.ഐ പ്രവർത്തകർക്കും അഞ്ച് യുവമോർച്ച പ്രവർത്തകർക്കും പരിക്കേറ്റിരുന്നു.

കൊടി നശിപ്പിതുമായി ബന്ധപ്പെട്ട തർക്കമാണ് സംഘർഷത്തിലേക്ക് എത്തിച്ചതെന്നാണ് പൊലീസ് പറയുന്നത്.