തിരുവനന്തപുരം: സംസ്ഥാനം കാത്തിരുന്ന ജനവിധിയറിയാന് ഇനി മിനിറ്റുകള് മാത്രം. എട്ട് മണിയോടെ വോട്ടെണ്ണല് ആരംഭിക്കും. ആദ്യ ഫലസൂചനകള് എട്ടരയോടെ പുറത്തുവരും. ആദ്യം തപാല് വോട്ടുകളും പിന്നാലെ ഇലക്ട്രോണിക്ക് വോട്ടിങ് മെഷീനിലെ വോട്ടുകളും എണ്ണിത്തുടങ്ങും. 43 സ്ഥലങ്ങളിലായി 140 കേന്ദ്രങ്ങളിലാണ് വോട്ടെണ്ണല്.
രാവിലെ എട്ടിന് പോസ്റ്റല് വോട്ടുകളും 8.30 ഓടെ ഇവിഎമ്മും (ഇലക്ട്രോണിക് വോട്ടിങ് മെഷീന്) എണ്ണി തുടങ്ങുമെന്ന് കഴിഞ്ഞ ദിവസം മുഖ്യ തെരഞ്ഞെടുപ്പ് ഓഫീസര് രത്തന് യു ഖേല്ക്കര് പറഞ്ഞിരുന്നു. കൃത്യമായ കാര്യങ്ങള് മനസിലാക്കി കൊടുത്തിട്ട് മാത്രമേ അടുത്ത റൗണ്ടിലേക്ക് പോവേണ്ടതുള്ളു എന്ന് നിര്ദേശം നല്കിയിട്ടുണ്ട്.
140 റിട്ടേണിങ് ഓഫീസര്മാരും 1340 അഡീഷണല് റിട്ടേണിങ് ഓഫീസര്മാരും 4208 സൂക്ഷ്മനിരീക്ഷകരും 4208 കൗണ്ടിങ് സൂപ്പര്വൈസര്മാരും 5563 കൗണ്ടിങ് അസിസ്റ്റന്ഡുമാരും ഉള്പ്പെടെ ആകെ 15,465 ഉദ്യോഗസ്ഥരാണ് വോട്ടെണ്ണലിന്റെ ഭാഗമാകുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
