കാലവര്‍ഷം ഇന്നെത്തിയേക്കും, ധവളപത്രം ഇന്ന് സഭയില്‍, ഇറാന്‍ യുദ്ധത്തില്‍ ട്രംപിന് തിരിച്ചടി; ഇന്നത്തെ 5 പ്രധാന വാര്‍ത്തകള്‍

സംസ്ഥാനത്ത് കാലവര്‍ഷം ഇന്ന് എത്തിയേക്കും. സംസ്ഥാനത്തിന്‍റെ സാമ്പത്തിക സ്ഥിതി വെളിവാക്കുന്ന ധവളപത്രം സര്‍ക്കാര്‍ അവതരിപ്പിക്കും. അനുമതിയില്ലാതെ യുദ്ധം തുടരരുതെന്ന് യുഎസ് കോണ്‍ഗ്രസ് പ്രമേയം പാസ്സാക്കി. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

സംസ്ഥാനത്ത് തെക്കു പടിഞ്ഞാറന്‍ കാലവര്‍ഷം ഇന്ന് എത്തിച്ചേരാന്‍ സാധ്യതയെന്ന് കാലാവസ്ഥ വകുപ്പ്. ഇതിന് അനുകൂല കാലാവസ്ഥയുണ്ടെന്ന് കാലാവസ്ഥ വകുപ്പ് സൂചിപ്പിച്ചു. സംസ്ഥാനത്ത് ഇന്ന് അതിശക്ത മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം. തിരുവനന്തപുരം മുതല്‍ തൃശൂര്‍ വരെ എട്ടു ജില്ലകളില്‍ ഓറഞ്ച് അലര്‍ട്ട് പുറപ്പെടുവിച്ചിട്ടുണ്ട്. 

സംസ്ഥാനത്തിന്റെ സാമ്പത്തിക സ്ഥിതി സംബന്ധിച്ച ധവളപത്രം ഇന്ന് നിയമസഭയില്‍ അവതരിപ്പിക്കും. ധനവകുപ്പിന്റെ ചുമതല വഹിക്കുന്ന മുഖ്യമന്ത്രി വിഡി സതീശനാണ് ധവളപത്രം നിയമസഭയുടെ മേശപ്പുറത്ത് വയ്ക്കും. ഇന്നുരാവിലെ ചേരുന്ന മന്ത്രിസഭായോഗത്തില്‍ ധവളപത്രം വിശദമായി ചര്‍ച്ച ചെയ്യും.

ഇറാനെതിരെ പടനീക്കവുമായി മുന്നോട്ടുപോകുന്ന യുഎസ് പ്രസിഡന്റ് ഡോണള്‍ഡ് ട്രംപിന് അമേരിക്കന്‍ പാര്‍ലമെന്റില്‍ വന്‍ തിരിച്ചടി. യുദ്ധവുമായി മുന്നോട്ടു പോകേണ്ടതില്ലെന്നും യുഎസ് സൈനികര്‍ ഇറാനില്‍ നിന്ന് ഉടന്‍ പിന്‍വാങ്ങണമെന്നും ആവശ്യപ്പെടുന്ന പ്രമേയം യുഎസ് ജനപ്രതിനിധിസഭയില്‍ പാസായി. ട്രംപിന്റെ റിപ്പബ്ലിക്കന്‍ പാര്‍ട്ടിയിലുള്ള നാല് ജനപ്രതിനിധികളും പ്രമേയത്തെ അനുകൂലിച്ച് വോട്ട് ചെയ്തു.

ടി20 ക്രിക്കറ്റ് ടീമിന്‍റെ നായകസ്ഥാനത്ത് നിന്ന് സൂര്യകുമാർ യാദവിനെ നീക്കിയതായി റിപ്പോർട്ട്. ക്യാപ്റ്റൻസിയിൽ നിന്ന് ഒഴിവാക്കിയതിന് പിന്നാലെ ടീമിൽ നിന്നും താരത്തെ ഒഴിവാക്കും. സ്വന്തം മണ്ണിൽ ഇന്ത്യയെ ടി20 ലോകകപ്പ് കിരീടത്തിലേക്ക് നയിച്ച് വെറും മൂന്നു മാസം പിന്നിടുമ്പോഴാണ് സൂര്യകുമാറിനെതിരെ ബിസിസിഐ നടപടി എടുത്തിരിക്കുന്നത്.

നാളുകളായി കാത്തിരുന്ന ഒരു കാര്യം അനുകൂലമായി തീരും. പുതിയ അവസരങ്ങൾ ലഭിക്കും. കുടുംബത്തിൽ നിന്നും സന്തോഷകരമായ വാർത്ത കേൾക്കും. സാമ്പത്തിക നേട്ടം ഉണ്ടാകും. ബിസിനസ് രംഗത്ത് അനുകൂല പുരോഗതി ഉണ്ടാകും. ജോലിയിൽ ഉയർച്ച നേടും. കുടുംബാംഗങ്ങളുമായി കൂടുതൽ സമയം ചെലവഴിക്കാൻ സാധി ക്കും. പഴയ ഒരു പ്രശ്നത്തിന് പരിഹാരം ഉണ്ടാകും.