ആലപ്പുഴ- കണ്ണൂർ എക്സ്പ്രസിനുള്ളിൽ യാത്രക്കാരൻ തീയിട്ടു; അഞ്ച് പേർക്ക് പൊള്ളൽ

കോഴിക്കോട്: ആലപ്പുഴ- കണ്ണൂർ എക്സ്പ്രസിൽ യാത്രക്കാരൻ സഹ യാത്രികരെ തീ കൊളുത്തി. ഡി വൺ കോച്ചിലാണ് ഞെട്ടിക്കുന്ന സംഭവം. മൂന്ന് പേർ തമ്മിലുള്ള തർക്കമാണ് തീയിടലിൽ കലാശിച്ചതെന്നാണ് പ്രാഥമിക വിവരം. ട്രെയിൻ എലത്തൂരിലെത്തിയപ്പോഴാണ് സംഭവം. 

തർക്കത്തിനിടെ അക്രമി സഹ യാത്രികന്റെ ദേഹത്ത് പെട്രോളൊഴിച്ച് തീ കൊളുത്തുകയായിരുന്നു. സംഭവത്തിൽ അഞ്ച് പേർക്ക് പൊള്ളലേറ്റു. ഇവരെ ആശുപത്രിയിലേക്ക് മാറ്റി. അക്രമി രക്ഷപ്പെട്ടതായാണ് വിവരം. 

റെയിൽവേ പൊലീസ് ഫയർഫോഴ്സിന്റെ സഹായം തേടി. ട്രെയിൻ ഇപ്പോൾ എലത്തൂർ പാലത്തിൽ നിർത്തിയിട്ടിരിക്കുകയാണ്. തീ പടർന്നെങ്കിലും കൂടുതൽ അപകടങ്ങളിലേക്ക് പോകാതെ അണയ്ക്കാൻ കഴിഞ്ഞു.

ഈ വാർത്ത കൂടി വായിക്കൂ

നിയന്ത്രണം വിട്ട കാര്‍ ഇടിച്ചു തെറിപ്പിച്ചു; സ്‌കൂട്ടര്‍ യാത്രികയായ അധ്യാപിക മരിച്ചു, മകന് പരിക്ക്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ