പി രാജുവിനെ തള്ളി സിപിഐ; വിശദീകരണം തേടി

തിരുവനന്തപുരം: മുഖ്യമന്ത്രിക്കെതിരായ സിപിഐ എറണാകുളം ജില്ലാ സെക്രട്ടറിയുടെ പരാമര്‍ശം തള്ളി സിപിഐ. പരാമര്‍ശത്തില്‍ വിശദീകരണം നല്‍കാനും സിപിഐ സംസ്ഥാന കമ്മറ്റി ആവശ്യപ്പെട്ടു. ഉത്തരവാദപ്പെട്ട സ്ഥാനങ്ങളില്‍ ഇരിക്കുന്നവരുടെ ഭാഗത്തുനിന്നും ഇത്തരത്തിലുള്ള പ്രതികരണങ്ങള്‍ ഉണ്ടാകരുതെന്ന് പാര്‍ട്ടി നേതൃത്വം അറിയിച്ചിട്ടുണ്ട്. ഏത് സാഹചര്യത്തിലാണ് മുഖ്യമന്ത്രിക്കെതിരെ പരാമര്‍ശം നടത്തിയത്,എന്തിനാണ് ഇത്തരം വാക്കുകള്‍ ഉപോയഗിച്ചതെന്നുമുള്ളത് ഇന്ന് തന്നെ വിശദീകരണമായി നല്‍കാനും പാര്‍ട്ടി നേതൃത്വം പി രാജുവിനോട് അഭ്യര്‍ത്ഥിച്ചിട്ടുണ്ട്

മുഖ്യമന്ത്രിയെ പരസ്യമായി പരിഹസിക്കുന്ന രീതിയിലായിരുന്നു രാജുവിന്റെ പ്രസംഗം. മുഖ്യമന്ത്രി ഇടയ്ക്ക് ഇടയ്ക്ക് പനിവരുന്ന ആളാണെന്നും മുഖ്യമന്ത്രിയുടെ ഓഫീസിലെ ഡീവനക്കാര്‍ മന്ദബുദ്ധികളാണെന്നുമായിരുന്നു പരാമര്‍ശം. പി രാജുവിന്് മറുപടിയുമായി മറ്റുനേതാക്കള്‍ വിശദീകരണവുമായി രംഗത്തെത്തിയാല്‍ അത് മുന്നണി സംവിധാനത്തെ കാര്യമായി ബാധിക്കുമെന്ന സാഹചര്യത്തിലാണ് ഇന്ന് തന്നെ വിശദികരണം തേടാനുള്ള സിപിഐയുടെ തീരുമാനം.