ലോര്‍ഡ്‌സില്‍ മഴ കളിച്ചതോടെ ആദ്യ ദിനം ഉപേക്ഷിക്കേണ്ടി വന്നു. ടോസ് പോലും ഇടാനാവാതെ മഴ നിറഞ്ഞു നില്‍ക്കുകയായിരുന്നു. എന്നാല്‍ അതിനിടയില്‍ ഇരു ടീമുകളുടേയും പ്ലേയിങ് ഇലവന്‍ വിവരങ്ങള്‍ ചോര്‍ന്നുവെന്നാണ് റിപ്പോര്ട്ട്.
ഇന്ത്യയുടേയും ഇംഗ്ലണ്ടിന്റേയും പ്ലേയിങ് ഇലവന്‍ എന്ന പേരിലുള്ള പട്ടിക സമൂഹമാധ്യമങ്ങളില്‍ പ്രചരിക്കുന്നുണ്ട്. ഒന്നാം ടെസ്റ്റിന് ഇറങ്ങിയ ടീമില്‍ നിന്നും മാറ്റങ്ങള്‍ ഇല്ലാതെയാണ് ഇന്ത്യ രണ്ടാം ടെസ്റ്റിനും ഇറങ്ങുന്നത് എന്നാണ് പുറത്തുന്ന പ്ലേയിങ് ഇലവന്‍ പട്ടികയില്‍ നിന്നും വ്യക്തമാകുന്നത്.
ലോര്‍ഡ്‌സ് ടെസ്റ്റിന് മുന്‍പ് മാധ്യമങ്ങളെ കണ്ടപ്പോള്‍, രണ്ട് സ്പിന്നര്‍മാരെ കളിപ്പിച്ചേക്കും എന്നായിരുന്നു കോഹ് ലി സൂചന നല്‍കിയിരുന്നത്. അശ്വിനൊപ്പം കുല്‍ദീപ് എത്തുമെന്ന് സൂചനയുണ്ടായിരുന്നു എങ്കിലും എഡ്ജ്ബാസ്റ്റണില്‍ പരാജയപ്പെട്ട പ്ലേയിങ് ഇലവനുമായിട്ടാണ് ഇന്ത്യ ലോര്‍ഡ്‌സിലും ഇറങ്ങുന്നത് എന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ഇംഗ്ലണ്ട് ടീമിലേക്ക് മൊയിന്‍ അലിക്ക് പകരം ക്രിസ് വോക്‌സ് എത്തുന്നുവെന്നാണ് സമൂഹമാധ്യമങ്ങളിലുടെ പ്രചരിക്കുന്ന പ്ലേയിങ് ഇലവനില്‍ നിന്നും വ്യക്തമാകുന്നത്. പ്ലേയിങ് ഇലവനില്‍ മാറ്റം വരുത്തുന്നില്ല എങ്കില്‍ ഇത് ആദ്യമായിട്ടാകും വിരാട് കോഹ് ലി മാറ്റങ്ങളില്ലാതെ രണ്ട് ടെസ്റ്റുകള്‍ തുടര്‍ച്ചയായി ടീമിനെ ഇറക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
