ഫേസ്ബുക്ക് സിനിമാ ഗ്രൂപ്പായ മൂവീ സ്ട്രീറ്റ് 2017ലെ ചലച്ചിത്ര പുരസ്ക്കാരങ്ങള് പ്രഖ്യാപിച്ചു. ഫഹദ് ഫാസില് മികച്ച നടനായും മഞ്ജു വാര്യരും ഐശ്വര്യാ ലക്ഷ്മിയും മികച്ച നടിമാരായും തെരഞ്ഞെടുക്കപ്പെട്ടു. മികച്ച വില്ലന് കഥാപാത്രമായി അപ്പാനി രവിയെ അവതരിപ്പിച്ച ശരത്കുമാറിനെ തെരഞ്ഞെടുത്തപ്പോള് നവാഗത താരങ്ങളായി ആന്റണി വര്ഗീസും നിമിഷ സജയനും തെരഞ്ഞെടുക്കപ്പെട്ടു.
തൊണ്ടിമുതലും ദൃക്സാക്ഷിയുമാണ് മികച്ച് സിനിമയായി തെരഞ്ഞെടുക്കപ്പെട്ടത്. പോപ്പുലര് സിനിമയായി ദിലീപിന്റെ രാമലീല തെരഞ്ഞെടുത്തു. മികച്ച സംവിധായകനായി തെരഞ്ഞെടുക്കപ്പെട്ടത് ലിജോ ജോസ് പെല്ലിശ്ശേരിയാണ്. ലൈഫ് ടൈം അച്ചീവ്മെന്റ് പുരസ്കാരം ഔസേപ്പച്ചന്, ജോണ്പോള് പുതുശ്ശേരി, സംവിധായകന് മോഹന് എന്നിവര്ക്ക് നല്കി.
മൂവി സ്ട്രീറ്റ് ഫേസ്ബുക്ക് ഗ്രൂപ്പിലെ ഒരു ലക്ഷത്തോളം വരുന്ന അംഗങ്ങള്ക്കിടയില് നടത്തിയ വോട്ടിംഗില്നിന്നാണ് വിജയികളെ തെരഞ്ഞെടുത്തത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ