'എന്ന് നിന്റെ മൊയ്തീന്‍' എന്ന ഹിറ്റ് ചിത്രത്തിന് ശേഷം പൃഥ്വിരാജും പാര്‍വതിയും പ്രധാന വേഷത്തിലെത്തുന്ന മൈ സ്‌റ്റോറിയുടെ റിലീസ് തീയതി പ്രഖ്യാപിച്ചു. ജൂലൈ ആറിന് ചിത്രം തിയേറ്ററുകളിലെത്തും. പൃഥ്വി തന്നെയാണ് ഇക്കാര്യം തന്റെ ഫേസ്ബുക്ക് പോസ്റ്റിലൂടെ അറിയിച്ചത്.
നവാഗതയായ റോഷ്ണി ദിനകറാണ് ചിത്രം സംവിധാനം ചെയ്യുന്നത്. ചിത്രത്തില്‍ ജയ് എന്ന കഥാപാത്രമായി പൃഥ്വിയും താരയായി പാര്‍വ്വതിയും എത്തുന്നു. തൊണ്ണൂറുകളെ പശ്ചാത്തലമാക്കി ഒരുങ്ങുന്ന ചിത്രത്തില്‍ സമകാലിക വിഷയങ്ങള്‍ക്കും പ്രാധാന്യം നല്‍കുന്നു. രണ്ട് കാലഘട്ടത്തിലുള്ള പ്രണയമാണ് ചിത്രത്തിന്റെ പ്രമേയം. പോര്‍ച്ചുഗലിലായിരുന്നു സിനിമയുടെ ഏറെ ഭാഗവും ചിത്രീകരിച്ചിരുന്നത്.
ഇതുവരെയുള്ള പൃഥ്വിരാജ്, പാര്‍വതി ചിത്രങ്ങളില്‍ നിന്നും വ്യത്യസ്തമായ പ്രമേയമാണ് 'മൈ സ്‌റ്റോറി'യുടെതെന്ന് റോഷ്ണി പറഞ്ഞിരുന്നു. സണ്ണി വെയ്ന്‍, മനോജ് കെ ജയന്‍, സഞ്ജു ശിവറാം, എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
