ചെന്നൈ: തന്റെ സ്വകാര്യ ചിത്രങ്ങള് ചോര്ന്ന സംഭവത്തില് പ്രതികരണവുമായി നടിയും കമല്ഹാസന്റെ മകളുമായ അക്ഷര ഹാസന്. ഒരു സിനിമയുടെ ഫോട്ടോഷൂട്ടിന് തയ്യാറെടുക്കുന്നതിന് മുന്നോടിയായി എടുത്ത ചിത്രങ്ങളാണിതെന്നും അത് ഇന്റര്നെറ്റില് പ്രചരിച്ചതു കൊണ്ട് താന് അപമാനിതയാവില്ലെന്നും അക്ഷര പറഞ്ഞു.
ഇത്തരം ചിത്രങ്ങള് എടുക്കുന്നതില് തനിക്ക് യാതൊരു ശങ്ക ഇല്ലെന്നും അക്ഷര കൂട്ടിച്ചേര്ത്തു. അടിവസ്ത്രം ധരിച്ച അക്ഷരയുടെ ചിത്രങ്ങളാണ് സാമൂഹിക മാധ്യമങ്ങളില് പ്രചരിച്ചത്.ഫോണ് ഹാക്ക് ചെയ്തതാകാം ചിത്രങ്ങള് ചോരാനുള്ള കാരണമെന്ന് കരുതുന്നത്. പോലീസില് പരാതി നല്കുമെന്നും അക്ഷര പറഞ്ഞു.
നേരത്തെ നടി ആമി ജാക്സന്റെ സ്വകാര്യ ചിത്രങ്ങളും ഇത്തരത്തില് ചോര്ന്നിരുന്നു. അന്ന് ലണ്ടനിലെ സൈബര് െ്രെകം സെല്ലില് താരം പരാതിയും നല്കിയിരുന്നു. ചിത്രം പുറത്തായതിന് പിന്നാലെ സോഷ്യല് മീഡിയയില് വൈറലായിരുന്നു. ഇതിനെതിരെ നിരവധി പേര് രംഗത്തെത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ