പൂനെ: ജെറ്റ് എയര്‍വേയ്‌സില്‍ രണ്ട് എയര്‍ഹോസ്‌റ്റേഴ്‌സിനെതിരെ യാത്രക്കാരന്റെ അതിക്രമം. മുംബൈയില്‍ നിന്നും നാഗ്പൂരിലേക്ക് പറന്ന ജെറ്റ് എയര്‍വേയ്‌സ് വിമാനത്തില്‍ ശനിയാഴ്ചയായിരുന്നു സംഭവം.
41E എന്ന സീറ്റ് നമ്പറിലിരുന്ന ആകാശ് ഗുപ്തയെന്ന യാത്രക്കാരനെതിരെ ആക്രമണം നേരിട്ട എയര്‍ഹോസ്റ്റസുമാര്‍ രേഖാമൂലം പരാതി നല്‍കി. ഫ്‌ലൈറ്റ് ക്യാപ്റ്റനായിരുന്ന ഗോപാല്‍ സിങ് മോഹന്‍ സിങ് സംഭവം സിഐഎസ്എഫിനെ അറിയിക്കുകയായിരുന്നു.
സിഐഎസ്എഫിന്റെ നിര്‍ദേശത്തെ തുടര്‍ന്ന് സോന്‍ഗാവോണ്‍ പൊലീസ് ആകാശ് ഗുപ്തയെ അറസ്റ്റ് ചെയ്യുകയും മജിസ്‌ട്രേറ്റിന് മുന്നില്‍ ഹാജരാക്കുകയും ചെയ്തു. ഇപ്പോള്‍ പൊലീസ് കസ്റ്റഡിയിലാണ് ആകാശ്.
ഗോവയില്‍ അവധി ആഘോഷിക്കാനെത്തിയതായിരുന്നു ഇയാള്‍. അമിതമായി മദ്യപിച്ചിരുന്ന ആകാശ് എയര്‍ഹോസ്റ്റുമാര്‍ ഭക്ഷണം വിളമ്പുന്ന സമയത്ത് ഇവരുടെ കയ്യില്‍ കയറി പിടിക്കുകയും മോശമായി പെരുമാറുകയുമായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
