ന്യൂഡല്ഹി: കനത്ത മഴയെ തുടര്ന്ന് വിവാഹ വേദിയിലെ മതില് തകര്ന്നുവീണ് 26 മരണം. രാജസ്ഥാനിലെ ബരത്പൂരില് ബുധനാഴ്ച രാത്രി പത്ത് മണിയോടെയായിരുന്നു അപകടം.
28 പേര്ക്ക് അപകടത്തില് പരിക്കേറ്റിട്ടുണ്ട്. മരിച്ചവരില് നാല് കുട്ടികളും പതിനൊന്ന് സ്ത്രീകളും ഉള്പ്പെടുന്നു. മഴ കൊള്ളാതിരിക്കുന്നതിനായി കല്യാണ വേദിക്ക് സമീപം ഉണ്ടായിരുന്ന ഷെഡിലേക്ക് അതിഥികള് വന്ന് നില്ക്കുകയായിരുന്നു. ഈ ഷെഡിന് മുകളിലേക്കാണ് മതില് ഇടിഞ്ഞു വീണത്.
12-13 അടി ഉയരത്തിലുള്ളതായിരുന്നു മതില്. മതില് ഷെഡ്ഡിന് മുകളിലേക്ക് ഇടിഞ്ഞു വീണതോടെ നിരവധി പേര് കുടുങ്ങിപ്പോവുകയായിരുന്നു. സംഭവത്തില് മുഖ്യമന്ത്രി വസുന്ധര രാജെ അനുശോചനം രേഖപ്പെടുത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ