പനജി: ഗോവയില്‍ നടപ്പാലം തകര്‍ന്ന് അമ്പതിലധികംപേര്‍ പുഴയില്‍ വീണു. ഒരു മൃതദേഹം കണ്ടെടുത്തു. നിരവധിപേര്‍ക്ക് പരിക്കുണ്ട്. മുപ്പതോളംപേരെ കാണാതായി. കാണാതായവര്‍ക്കുള്ള തിരച്ചില്‍ നടക്കുന്നു.
പോര്‍ച്ചുഗീസ് കാലത്ത് സാന്‍വോര്‍ദം പുഴയ്ക്ക് കുറുകെ നിര്‍മ്മിച്ച സുവാരി നടപ്പാലമാണ് തകര്‍ന്നുവീണത്.
പുഴയിലേക്ക് ചാടി ഒരാള്‍ ആത്മഹത്യയ്ക്ക് ശ്രമിച്ചതിനുപിന്നാലെ ഫയര്‍ഫോഴ്‌സെത്തി രക്ഷാപ്രവര്‍ത്തനം നടത്തുന്നത് കാണാന്‍ ആളുകള്‍ നടപ്പാലത്തില്‍ തടിച്ചുകൂടിയതാണ് അപകടത്തിന് കാരണം.
ഫയര്‍ഫോഴ്‌സ് സ്ഥലത്തുതന്നെയുണ്ടായിരുന്നതുകൊണ്ട് രക്ഷാപ്രവര്‍ത്തനം ഉടന്‍ തുടങ്ങാന്‍ സാധിച്ചു. എന്നാല്‍ മതിയായ രക്ഷാപ്രവര്‍ത്തകരുണ്ടായിരുന്നില്ല. മറ്റുള്ള സ്ഥലത്തുനിന്നും ഫയര്‍ഫോഴ്‌സ് സംഘമെത്തി രക്ഷാപ്രവര്‍ത്തനം തുടരുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
