ഹൈദരാബാദ്: സഞ്ജയ് ലീല ബന്സാലിയുടെ സ്വപ്നചിത്രം പദ്മാവതി റിലീസ് ചെയ്താല് തീയേറ്റര് കത്തിക്കുമെന്ന് ഭീഷണിയുമായി തെലങ്കാന ബിജെപി എംഎല്എ ടി. രാജ സിങ്. ഹൈദരബാദിലെ ഗോഷ്മഹല് എംഎല്എയാണ്് രാജ സിങ്.
ചിത്രത്തില് ഹിന്ദുക്കളെ മോശമായി ചിത്രീകരിക്കുന്നുവെന്നാണ് എംഎല്എ ആരോപിക്കുന്നത്. രജപുത്ര വിഭാഗക്കാര് സംഘടിപ്പിച്ച ഒരു പരിപാടിയിലായിരുന്നു രാജ സിങ്ങിന്റെ ഭീഷണി. തന്റെ ഭീഷണി പ്രസംഗം ഫേസ്ബുക്കില് ഷെയര് ചെയ്യാനും എംഎല്എ മറന്നില്ല.
ഇതുമായി ബന്ധപ്പെട്ട എല്ലാ പ്രതിഷേധത്തിനും ഞാന് മുന്പന്തിയില് ഉണ്ടാകും. പ്രശ്നങ്ങളുണ്ടാക്കിയതിന് നിങ്ങളെ ആരെങ്കിലും അറസ്റ്റ് ചെയ്യുകയോ ബുദ്ധമുട്ട് നേരിടുകയോ ചെയ്താല് അധികാരവും സ്വാധീനവും ഉപയോഗിച്ച് ഞാന് നിങ്ങളെ രക്ഷപ്പെടുത്തും, രാജ സിങ് പറയുന്നു.
ക്ഷത്രിയ വിഭാഗത്തിന്റെ വികാരങ്ങള് വ്രണപ്പെടുത്തുന്നതാണ് ചിത്രമെന്നും റിലീസ് തടയണം എന്നുമാവശ്യപ്പെട്ട് ബിജെപി നേരത്തെ തെരഞ്ഞെടുപ്പ് കമ്മീഷനെ സമീപിച്ചിരുന്നു. ചിത്രത്തിന്റെ സെന്സറിങ് പോരെന്നും ക്ഷത്രിയ വിഭാഗ പ്രതിനിധികളെയും തങ്ങളെയും ഉള്പ്പെടുത്തി ചിത്രത്തിന്റെ പ്രദര്ശനം നടത്തിയതിന് ശേഷം മാത്രമേ റിലീസ് അനുവദിക്കുള്ളുവെന്നുമാണ് ബിജെപി നിലപാട്. ഡിസംബര് ഒന്നിന് റിലീസ് ചെയ്യുന്ന ചിത്രം അലാവുദ്ദീന് ഖില്ജിയുടേയും റാണി പദ്മാവതിയുടെയും കഥയാണ് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ