വിവാഹത്തിന് പിന്നാലെ തന്റെ ട്വിറ്ററിലെ പേരമാറ്റി സാമന്ത. സാമന്ത റുത്പ്രഭു എന്ന പേരിലായിരുന്നു തന്റെ ആദ്യ ട്വിറ്റര്‍ അക്കൗണ്ട്. എന്നാല്‍ നാഗാര്‍ജ്ജുനയുടെ പുത്രന്‍ നാഗ ചൈതന്യ അക്കിനേനി താലി ചാര്‍ത്തിയതോടെയാണ് സാമന്ത ട്വിറ്ററിലെ പേരുമാറ്റിയത്. സാമന്ത അക്കിനേനി എന്ന പേരിലാണ് പുതിയ അക്കൗണ്ട്.
ഇന്ത്യന്‍ സംസ്‌കാരത്തിന്റെ ഭാഗമായാണ് തന്റെ പേരുമാറ്റിയതെന്നാണ് സാമന്തയുടെ പ്രതികരണം. സാമന്തയുടെ പേരുമാറ്റത്തിന് വന്‍ പ്രതികരണമാണ് ട്വിറ്ററില്‍ ലഭിക്കുന്നത്. ഇന്ത്യന്‍ സംസ്‌കാരം പിന്തുടര്‍ന്ന സാമന്തയെ അഭിനന്ദനങ്ങള്‍ അര്‍പ്പിച്ചാണ് പേരുമാറ്റത്തെ ആരാധകര്‍ വരവേറ്റത്.
ട്വിറ്ററിലെ പേരുമാറ്റിയതിന് പിന്നാലെ ചിത്രത്തിലും തന്റെ പേരുമാറ്റുമോ എന്നാണ് ആരാധകര്‍ ഉറ്റുനോക്കുന്നത്. വിവാഹശേഷമുള്ള ആദ്യചിത്രം വെള്ളിയാഴ്ച തിയേറ്ററില്‍ പ്രദര്‍ശനത്തിനെത്തും. രാജു ഗരി ഗാദി 2 എന്നാണ് ചിത്ത്രത്തിന്റെ പേര്. നാഗാര്‍ജ്ജുനയാണ് ചിത്രത്തില്‍ പ്രധാന വേഷത്തിലെത്തുന്നത്. ഇളയദളപതി വിജയ് നായകനാകുന്ന ചിത്രം മെര്‍സിലില്‍ പ്രധാന വേഷത്തിലാണ് സാമന്ത എത്തുന്നത്. ചിത്രം ദീപാവലിക്ക് തീയേറ്ററില്‍ എത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
