രാജ്കോട്ട്; ഭരണഘടനാ ശില്പ്പി അംബേദ്ക്കറുടെ പ്രതിമ തകര്ക്കുന്നത് നിത്യസംഭവമായിരിക്കുകയാണ്. പ്രധാനമന്ത്രി നരേന്ദ്രമോദിയുടെ നാട്ടില് അംബേദ്ക്കറുടെ പ്രതിമയില് സാമൂഹ്യ വിരുദ്ധര് ചെരുപ്പുമാല അണിയിച്ചതാണ് ഒടുവിലത്തെ സംഭവം.അതീവ സുരക്ഷാമേഖലയിലുള്ള അംബേദ്ക്കറുടെ പ്രതിമയിലാണ് സമൂഹവിരുദ്ധര് അഴിഞ്ഞാടിയത്. ബുധനാഴ്ച രാത്രിയിലാണ് സംഭവം.
സംഭവത്തില് കുറ്റക്കാര്ക്കെതിരെ നടപടിയെടുക്കണമെന്നാവശ്യവുമായി നിരവധി പേര് രംഗത്തെത്തിയിട്ടുണ്ട്. പ്രതികളെ ഉടന് അറസ്റ്റ് ചെയ്യണമെന്ന് നാട്ടുകാര് ആവശ്യപ്പെട്ടു. സംഭവത്തില് പ്രതിഷേധം ശക്തമാണ്. പ്രശ്നം വഷളാവാതിരിക്കാന് വലിയ പൊലീസ് സന്നാഹത്തെ സംഭവസ്ഥലത്ത് വിന്യസിച്ചിട്ടുണ്ട്. പ്രതിമക്ക് പരിസരത്തും മറ്റിടങ്ങളിലും സിസി ടിവി ദൃശ്യങ്ങള് ഉണ്ടായിരുന്നെങ്കിലും ഇരുട്ടായതിനാല് ദൃശ്യങ്ങള് വ്യക്തമല്ലെന്നാണ് പൊലീസ് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ