ന്യൂഡല്ഹി: ആഗ്രയില് പട്ടിയെ മണ്ണിട്ടുമൂടി റോഡ് നിര്മ്മിച്ച നടപടി വിവാദത്തില്. പട്ടിയെ ജീവനോടെയാണോ മണ്ണിട്ടുമൂടിയത് എന്നത് വ്യക്തമല്ല.
ആഗ്രയിലെ ഫത്തേബാദ് റോഡില് ബുധനാഴ്ച രാവിലെയാണ് സംഭവം. പട്ടിയെ മണ്ണിട്ടുമൂടി റോഡ് നിര്മ്മിക്കുന്നത് പ്രദേശത്തെ നാട്ടുകാരുടെയും യാത്രക്കാരുടെയും ശ്രദ്ധയില്പ്പെടുകയായിരുന്നു. നാട്ടുകാര് കാണുമ്പോള് പട്ടിയുടെ പകുതി ശരീരം മണ്ണിട്ടുമൂടിയ നിലയിലായിരുന്നു. തുടര്ന്ന് സംഭവത്തില് ഇടപെട്ട നാട്ടുകാരുടെ പ്രതിഷേധവും പൊലീസില് നല്കിയ പരാതിയും കണക്കിലെടുത്ത് പട്ടിയുടെ ശവശരീരം പ്രദേശത്ത് നിന്നും നീക്കി.
തിളച്ച ടാര് റോഡില് ഒഴിക്കുന്നതുവരെ പട്ടിയ്ക്ക് ജീവന് ഉണ്ടായിരുന്നുവെന്ന് നാട്ടുകാര് ആരോപിച്ചു. റോഡുനിര്മ്മാണത്തിനിടെ പട്ടി വേദനകൊണ്ട് മോങ്ങിയതായും നാട്ടുകാര് വാദിക്കുന്നു. സംഭവം വിവാദമായതിന് പിന്നാലെ നിര്മ്മാണ കമ്പനിയ്ക്ക് പി ഡബ്ലു ഡി നോട്ടീസ് അയച്ചു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ