ബംഗലൂരു: കര്ണാടക തെരഞ്ഞെടുപ്പില് ഇലക്ട്രോണിക് വോട്ടിങ് മെഷീനില് കൃത്രിമം നടന്നതായി കോണ്ഗ്രസ് ആരോപണം. കോണ്ഗ്രസ് വക്താവ് ബ്രിജേഷ് കലാപ്പ ട്വറ്ററിലാണ് ആരോപണം ഉന്നയിച്ചത്
തന്റെ മാതാപിതാക്കള് താമസിക്കുന്ന ബംഗലൂരുവിലെ അപ്പാര്ട്ട്മെന്റിന്റെ എതിര്വശത്തുളള ഒരു ബൂത്തില് വോട്ടിങ് മെഷീനില് കൃത്രിമം നടന്നതായാണ് കോണ്ഗ്രസ് വക്താവ് ആരോപിച്ചത്. ആര് വോട്ടുചെയ്താലും താമരയ്ക്ക് പോകുന്നുതായാണ് കണ്ടെത്തിയത്. രോഷാകുലരായ വോട്ടര്മാര് സമ്മതിദാനാവകാശം വിനിയോഗിക്കാതെ മടങ്ങിപോയതായി കോണ്ഗ്രസ് വക്താവ് ആരോപിച്ചു.
സംസ്ഥാനത്തിന്റെ വിവിധ ഭാഗങ്ങളില് വോട്ടിങ് മെഷീനില് തകരാറ് കണ്ടെത്തിയതായും കോണ്ഗ്രസ് ആരോപിക്കുന്നു. വോട്ടിങ് മെഷീനില് തകരാര് കണ്ടെത്തിയതിനെ തുടര്ന്ന് ബാണഘട്ടില് വോട്ടെടുപ്പ് രണ്ട് മണിക്കൂറോളം വൈകി. ഇക്കാര്യങ്ങള് തെരഞ്ഞെടുപ്പ് കമ്മീഷന്റെ ശ്രദ്ധയില്പ്പെടുത്താനുളള തീരുമാനത്തിലാണ് കോണ്ഗ്രസ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ