മുംബൈ: ഗായകൻ നിതിൻ ബാലി (47) അന്തരിച്ചു. വാഹനാപകടത്തിൽ പരിക്കേറ്റു ചികിത്സയിൽ കഴിയുകയായിരുന്നു. തിങ്കളാഴ്ച മുംബൈയിലെ മലാഡിൽനിന്നു ബോറിവല്ലിയിലേക്കു പോകുംവഴിയാണ് നിതിന്റെ കാർ അപകടത്തിൽപ്പെട്ടത്. നിതിൻ ഓടിച്ചിരുന്ന വാഹനം നിയന്ത്രണംവിട്ട് ഡിവൈഡറിലേക്ക് ഇടിച്ചുകയറുകയായിരുന്നു. ഉടൻതന്നെ ആശുപത്രിയിൽ എത്തിച്ച നിതിനെ പ്രാഥമിക ശ്രുശ്രൂഷ നൽകി വിട്ടയച്ചെങ്കിലും വീട്ടിൽ എത്തിയതോടെ രക്തം ഛർദിച്ചു.
തുടർന്ന് ആശുപത്രിയിൽ പ്രവേശിപ്പിക്കപ്പെട്ടെങ്കിലും നിതിന്റെ അവസ്ഥ ഗുരുതരമായി തുടരുകയായിരുന്നു. അപകടത്തിൽ നിതിന്റെ ആന്തരികാവയവങ്ങൾക്കു ക്ഷതം സംഭവിച്ചിരുന്നതായാണ് ഡോക്ടർമാർ പറഞ്ഞത്.
നീലെ നീലെ ആംബർ പർ, ചുകർ മേരെ മൻ കൊ, ഏക് അജ്നബീ ഹസീനാ സെ, പൽ പൽ ദിൽ കെ പാസ് തുടങ്ങിയ ഗാനങ്ങളിലൂടെയാണ് നിതിൻ പ്രശസ്തനാകുന്നത്. ടെലിവിഷൻ മോഡലും നടിയുമായ റോമയാണ് ഭാര്യ. ജോഷ്വ ഏകമകനാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ